Hvað gerist ef hjólin eru sett upp á meðan flugvél er á jörðunni?

2. október 2015

|

Frétt skrifuð kl. 23:12

Hvað gerist ef hjólin eru tekin upp á meðan hún er á flugvellinum?

Hvað gerist ef hjólin eru sett upp á flugvél sem er á flughlaðinu við landganginn? - Mun hún plompa niður á magann og skemmast?

Til að setja hjólin upp eða niður á farþegaþotum á borð við Boeing og Airbus þarf að ýta lítilli stöng upp eða niður merkt „LANDING GEAR“ svo hægt sé að taka hjólin upp eftir flugtak eða setja niður fyrir lendingu.

Ef hjólin eru sett upp þegar vélin er við landganginn mun vélin þó ekki detta niður þar sem sérstakur búnaður er nefnist „squat switch„, sem skynjar þyngd vélarinnar þegar hún er á jörðu niðri, koma í veg fyrir að hjólin fari upp en sumar flugvélartegundir styðjast við búnað sem skynjar flughraða og aflæsa hjólunum þegar vélin er komin á flug.

Sumir muna eflaust eftir þættinum því þegar Hómer
Simpson var settur í stjórnklefann og ýtti á vitlausan
takka og vélin féll ofan í jörðina

Þegar vélin er komin á loft þá skynjar búnaðurinn að þyngdin hvílir ekki lengur á jörðu niðri og aflæsir þá hjólin svo hægt sé að taka stellið upp.

Á farþegaþotum ef stönginni er ýtt í „UP“ stöðu á meðan vélin er enn við brottfararhliða eða á flugvellinum þá koma viðvörunarhljóð án þess að neitt annað gerist.

Sama gildir á minni flugvélum á borð við Beechcraft-vélar, King Air og fleiri einkaflugvélum en mælt með því að athuga reglulega hvort að sprunga sé komin í einangrunina utan um leiðslu sem liggur frá skynjarabúnaðinum þar sem vírar geta slitnað og valdið því að hjólin falla saman.

Gildir ekki um allar flugvélar

Ekki eru þó allar flugvélar sem hafa búnað sem fyrirbyggir að hægt sé að setja upp hjólin á jörðinni og þ.á.m. sumar orrustuþotur þar sem hægt er að taka hjólin upp sem kemur sér vél ef bremsur bila og eina leiðin til að stöðva þær snögglega í lendingu er að taka hjólin upp svo þær stöðvist á maganum.

Hinsvegar hafa komið upp atvik þar sem hjólin hafa óvart verið sett upp á flugvél sem var á jörðu niðri en slíkt gerðist er flugkennari var að kenna flugnema á Saab skrúfuvél sem var á jörðu niðri. Flugkennarinn óvart setti hjólin upp og vélin plompaði niður á jörðina og var afskrifuð og flaug ekki meira.

Þá getur búnaðurinn klikkað en slíkt gerðist þegar flugvirki einn hjá American Airlines ætlaði að sýna nýjum flugnemum að hjólin gætu ekki farið upp á Jetstream-vél þótt togað væri í handfangið - Hann sýndi þeim dæmi en allt kom fyrir ekki og vélin féll saman á magann. - Sú flugvélin var þó komin aftur í umferð viku síðar.

Saab skrúfuvél endaði á maganum eftir að hjólin voru sett upp