flugfréttir
Delta hættir við að taka úr umferð fjórtán Boeing 757 vélar
- Flugmenn höfnuðu samningi um að fá Boeing 737-900ER í staðinn
Boeing 757-200 vél Delta Air Lines
Delta Air Lines ætlar að halda lengur í Boeing 757 vélarnar og stendur til að hafa fjórtán Boeing 757-200 vélar lengur í flotanum sem var áætlað að taka úr umferð árið 2017.
Ástæðan er að hluta til sú að flugmenn félagsins höfnuðu tilboði um nýjar vélar af gerðinni Boeing 737-900ER
en Delta hefur nú hætt við kaup á nokkrum slíkum vélum en margar slíkar vélar eru þó að bætast í flota Delta reglulega frá verksmiðjunum í Everett.
Boeing 757-200 vélarnar skipta Delta miklu máli þar sem þær geta flogið milli austurstrandar Bandaríkjanna og Evrópu
með mikilli hagkvæmi.
Delta Air Lines hefur notað Boeing 757-200 vélar í flugi yfir Atlantshafið frá Bandaríkjunum til Evrópu
„Þessar fjórtán Boeing 757 vélar hafa nægan líftíma eftir og munu þær fá nýtt farþegarými á næstunni“, segir Michael Thomas, talsmaður hjá Delta Air Lines.
Delta Air Lines hefur enn 110 Boeing 757 vélar í sínum flota en meðalaldur þeirra eru 20 ár en vélunum hefur fækkað hægt
og bítandi sl. ár.
Erfiðlega gengur að skipta Boeing 757 vélunum út
Erfiðlega hefur gengið fyrir flugfélögin að skipta út Boeing 757 vélunum þar sem vélarnar hafa reynst mjög góður vinnuhestur
sem hefur náð að samhæfa hagkvæmni, allt að 8 klukkutíma flugþol og sæti fyrir farþegafjölda sem hentar á mjög mörgum flugleiðum.
„Boeing 757 er bara það góð vél að það hefur enginn náð að gera slíka vél aftur“, segir Bob Mann, fyrrum framkvæmdarstjóri
American Airlines sem starfar nú sem ráðgjafi í New York.
American Airlines hefur einnig verið að halda lengur í Boeing 757 vélarnar sem félagið hefur notað aðallega í innanlandsfluginu
í Bandaríkjunum en þeim hefur fækkað úr 106 vélum niður í 67 vélar.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.