flugfréttir
Sagan á bakvið 7 og 7 hjá Boeing
Boeing hefur framleidd farþegaþotur með númerinu 7 frá því framleiðsla hófst á Boeing 707
Eins og flestir vita þá heita allar farþegaþotur frá Boeing 7 „eitthvað“ 7 (t.d. Boeing 737) og margir flugáhugamenn veita því athygli ef þeir sjá þriggja stafa tölu sem byrjar og endar á 7 sem þeir tengja strax við Boeing.
Ef flugáhugamaður verslar í Bónus og greiðslan á posanum segir 747 krónur eða ef kílómetramælirinn
á bílnum stendur í 112.757 km þá getur það kallað fram bros meðal flugnörda. En þá er það spurningin: „Hvers vegna valdi Boeing töluna 7 og 7“ - Er einhver saga á bakvið það?
Þetta er spurning sem flugsagnfræðingar og fróðir menn hjá Boeing hafa fengið lengi gegnum árin þar sem margir hafa velt því fyrir sér.
Fyrsta flugvél Boeing, Model 1, og fyrsta verksmiðja Boeing árið 1917
Boeing hefur notast við talnakerfi frá því William E. Boeing stofnaði fyrirtækið árið 1916
sem hófst með lítillli flugvélaverksmiðju í litlu timburhúsi við bakka Duwamish-árinnar.
Fyrstu flugvélarnar sem Boeing smíðaði voru tvíþekjur og hétu fyrstu tegundirnar Model 1, Model 6, Model 8 og
svo framvegis en eftir að tegundunum fjölgaði var ákveðið að taka upp tveggja tölu númer þegar smíði hófst á fyrstu
farþegaflugvélunum á fjórða áratugnum á borð við Model 200, 214 og 247.
Monomail var af gerðinni Model 221
Rétt áður en árið 1940 gekk í garð komu upp deilur hjá Boeing sem endaði með því að
William E. Boeing yfirgaf fyrirtækið og nýr forstjóri tók við sem taldi að framtíðin væri í stærri farþegaflugvélum
og var ákveðið að „300“ yrði frátekið fyrir stærri farþegaflugvélar á borð við Boeing Model 371 Stratoliner sem var
fyrsta flugvélin sem kom með þrýstingsjöfnuðu farþegarými sem var bylting í fluginu.
Smíði á herflugvélum tók yfir
Við tók framleiðsla á herflugvélum og þar á meðal sprengjuhervélum og
var bókstafurinn B notaður fyrir þær vélar („bomber“) en sú fyrsta var B-17 Flying Fortress.
B-17 Flying Fortress (Model 299) í verksmiðjum Boeing árið 1942
Seinni heimstyrjöldinn skall á árið 1939 og framleiðsla á herflugvélum hófst fyrir alvöru og var B-17 framleidd í yfir
12.700 eintökum en þrátt fyrir B-bókstafinn þá höfðu vélarnar enn tölukerfið á bakvið nafnið en þannig
var B-17 „Model 299“ og B-52 var „Model 454“.
Talan „400“ var frátekin fyrir herþotur en árið 1944 fékk Boeing litlar sem engar pantanir í farþegaflugvélar
og byrjaði framleiðandinn að smíða herflugvélar og stríðsvélar á fullu og þar á meðal Boeing B-47 Stratojet (Model 450) sem var háfleyg, sex hreyfla sprengjuþota sem var smíðuð í yfir 2.000 eintökum.
Eftir að seinni heimstyrjöldinni lauk var Boeing eingöngu í framleiðslu á herflugvélum en þar sem stríðið
var á enda var hætt við risastórar pantanir í herflugvéla og sprengjuvélar og um 70.000
manns misstu vinnuna sína.
William Allen heldur á liken af B-52 Stratofortress
Farþegaflugvélar eina vitið fyrst stríðið var búið
William „Bill“ Allen, þáverandi forstjóri Boeing, sagði að fyrirtækið yrði að fara aftur í að smíða farþegaflugvélar og
einnig reyna fyrir sér í þróun og framleiðslu á gashverfilhreyflum og flugskeytum.
Verkfræðingar og hönnuðir voru flokkaðir niður í deildar og hver deild fékk úthlutað þriggja stafa tölu
sem stóð fyrir hvert módel fyrir sig.
„300“ og „400“ átti áfram að vera frátekið fyrir flugvélar, „500“ var notað
fyrir framleiðslu á hreyflum og „600“ fyrir þá deild sem sá um framleiðslu á flugskeytum og eldflaugum.
Þá var komin röð og regla á deildirnar en mörg flugfélög voru mjög áhugasöm fyrir Boeing B-47 Stratojet vélinni
sem var smíðuð sem sprengjuþota sem var fyrsta þotan í heiminum sem kom með aftursveigða vængi.
Pan American Airways (Pan Am) var sérstaklega áhugasamt um þá vél og vildi sjá B-47 Stratojet sem farþegaþotu
en flest flugfélög vissu ekkert hvað farþegaþota var þar sem þau voru mjög ánægð með skrúfuflugvélar
á borð við Douglas DC-4, Boeing Stratocruiser og Lockheed Constellation.
Boeing T-50 hreyfillinn fékk númerið Model 500
Douglas flugvélaframleiðandinn var þegar á undan Boeing hvað varðar farþegaflugvélar þar sem á markaðinn
var komin Douglas DC-4 og DC-6 og sá Boeing að þeir yrðu að spýta í lófanna.
Boeing ákvað að koma með eitthvað alveg nýtt og hófst framleiðsla á vél sem var kölluð fyrst um sinn Boeing 367
og síðar Boeing 367-80 en hún var uppnefnd „Dash 80“ en markmiðið var að þróa þotu sem var bæði
eldsneytisflugvél fyrir flugherinn og farþegaþota.
Talan 700 var næst
Boeing sá að best væri að setja þessar tvær vélar undir eitt framleiðslunúmer og var komið að tölunni „700“
en markaðsdeildin ákvað að „Model 700“ væri ekki nógu þjált fyrir fyrstu farþegaþotu fyrirtækisins og kom fram
tillaga um að kalla farþegaþotuna Model 707 og eldsneytisvélin fyrir herinn fékk heitið Model 717 en þar
sem um herflugvél var að ræða fékk hún einnig númerið KC-135.
Aftur greip markaðsdeildin inn í og kom með tillögu. Fyrst að herflugvélin var komin með nafnið KC-135 að þá
væri viturlegt að númerið á öllum farþegaþotum skildi byrja á 7 og enda á 7.
Aðeins ein Boeing 367-80 vél var smíðuð en þremur árum síðar, árið 1957, hafði vélin gengið í gegnum miklar
breytingar og var ákveðið að fyrsta farþegaþota
Boeing myndi taka nafnið Model 707 sem síðar var breytt í Boeing 707.
Boeing 367-80 sem síðar varð að Boeing 707
Eftir þetta hófst 7x7 tölukerfið hjá Boeing en Boeing 717 var ekki notað þar sem það var þegar viðloðið
við KC-135 eldsneytisvélina og Boeing þegar byrjað að huga að nýrri þotu að ósk Eastern Air Lines sem vildi
þriggja hreyfla þotu sem var Boeing 727.
Eina undantekningin frá 7x7 númerakerfinu var Boeing 720 sem var útgáfa af Boeing 707 vélinni með minna
flugþol en eftir að Boeing keypti McDonnell Douglas verksmiðjurnar árið 1997
tók framleiðandinn yfir MD-95 vélinni sem fékk heitið Boeing 717 en sú vél var framleidd áfram næstu 9 árin eða til ársins 2006.
Næsta þota sem Boeing framleiddi á eftir Boeing 727 var Boeing 737
Farþegaþotur Boeing hafa notað tölurnar á milli 7 og 7 í réttri tímaröð. Boeing 727 kom á markað árið 1964, fjórum
árum síðar kom Boeing 737 og júmbó-þotan, Boeing 747, leit dagsins ljóss ári síðar, árið 1969.
Fjórtán ár liðu þar til Boeing 757 kom á markaðinn árið 1983 en systurvélin Boeing 767 kom þó á markað fjórum
mánuðum áður, í september 1982.
12 ár liðu þar til Boeing 777 kom á markaðinn árið 1995 og 15 árum eftir það, árið 2011 kom Boeing 787 vélin
sem betur er þekkt undir nafninu Dreamliner.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.