flugfréttir
Júmbó-þota BA nauðlenti á Heathrow á 3 hjólastellum í stað fimm
- Óttuðust að vélin myndi skella niður á stélið
31. janúar 2016
|
Frétt skrifuð kl. 14:17
Skjáskot af myndbandi sem ökumaður náði af vélinni er hún lenti í gær með aðeins tvö aðalhjólastellin niðri
Júmbó-þota frá British Airways lent í hrakningum í gær er tvö hjólastell vélarinnar fóru ekki niður fyrir lendingu er hún þurfti að snúa við til Heathrow-flugvallar vegna tæknilegs vandamáls.
Vélin sem er af gerðinni Boeing 747-400 var skammt suður af Íslandi seinnipartinn í gær á leið
sinni til Chicago þegar bilun kom upp og var farþegum tilkynnt að nauðsynlegt væri að snúa við vegna
tæknilegrar bilunar.
Í aðfluginu losaði júmbó-þotan sig við eldsneyti til að létta vélina fyrir lendingu en þegar hjólin voru sett niður
kom viðvörun upp um að ekki höfðu öll hjólin farið niður.
Hjólastellin sem fóru ekki niður sýnd í appelsínugula rammanum
Í ljós kom að aðeins höfðu þrjú hjólastell af fimm farið niður; nefhjól, innri hjólastell en ekki ytri hjólin nálægt
vængjunum.
Vélin lenti giftusamlega á braut 27R á Heathrow-flugvelli um sexleytið í gærkvöldi og lokaðist önnur flugbrautin í um
klukkustund en draga þurfti vélina af brautinni.
293 farþegar voru um borð í vélinni og fjórtán manna áhöfn og var farþegum gert að yfirgefa vélina rólega
og voru þeir sem sátu aftast í vélinni látnir fara fyrst frá borði af ótta við að vélin myndi detta niður á stélið.
Farþegar hafa hampað flugmönnunum fyrir færni og fagmannleika í kjölfar lendingarinnar og einnig fyrir
að hafa upplýst þá í kallkerfi varðandi hvað væri í gangi og næstu skref.
Lendingin var frekar mjúk að sögn farþega þrátt fyrir atvikið en búið var að láta alla vita að láta sér ekki
bregða þótt að slökkvilið og sjúkrabílar myndu umkringja vélina.
Önnur júmbó-þota var gerð tiltæk sem fór í loftið með farþegana til Chicago með 10 klukkustunda seinkun.
Myndband:
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
