flugfréttir
SWISS fær fyrstu Boeing 777-300ER vélina
- Veldur ursla á Mallorca í flugprófunum
HB-JNA kemur heim til Zurich í fylgd tveggja F-18 orrustuþotna sl. föstudag
Nýjasta og fyrsta Boeing 777-300ER vélin fyrir Swiss International Air Lines hefur verið sl. daga við flugprófanir við spænsku ferðamannaeyjuna Mallorca þar sem vélin hefur m.a. hringsólað í lágflugi yfir bænum Palma.
Lágflugið hefur fengið mikla athygli meðal íbúa sem hafa margir hverjir óttast að ekki sé allt með felldu
með vélina og hafa spænsk flugmálayfirvöld fengið nokkur símtöl þar sem einhvejir hafa lýst yfir
áhyggjum sínum þar sem hún hefur verið í lágflugi í aðeins 400 metra hæð.
Talsmaður AENA á Spáni segir að mjög algengt sé að erlend flugfélög þjálfi áhafnir á nýja flugvélategund
frá flugvellinum í Palma de Mallorca en séð verði til þess að hún muni hækka flugið í næstu prófunum sem
framundan eru í vikunni.
Ljósmynd sem áhyggjufullur íbúi í Palma tók af Boeing 777-300ER vél Swiss í lágfluginu
Swiss International Air Lines fékk fyrstu vélina, HB-JNA, afhenta sl. föstudag og voru tvær svissneskar
F-18 orrustuþotur sem fylgdu vélinni heim til Zurich síðasta spölin eftir 8.418 kílómetra langt afhendingarflug frá Everett.
Þetta er fyrsta Boeing-vélin í flota félagsins sem mun fá átta til viðbótar frá Boeing á næstu tveimur árum.
Vélarnar taka 340 farþega, átta á First Class, 62 á Business Class og 270 á almennu farrými en fyrsti
Boeing 777-300ER áfangastaður flugfélagsins svissneska verður New York JFK.
Myndir frá heimkomu fyrstu Boeing 777-300ER vélarinnar til Zurich
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.