flugfréttir
Richard Anderson mun hætta sem forstjóri Delta
- Ed Bastian mun taka við framkvæmdarstjórastólnum
Richard Anderson hefur verið framkvæmdarstjóri Delta Air Lines frá árinu 2007
Richard Anderson, framkvæmdarstjóri Delta Air Lines, tilkynnti í dag að hann ætli að segja starfi sínu lausu sem forstjóri félagsins í maí í vor.
Anderson mun taka við stjórnarformannsstöðu innan félagsins en Ed Bastion, mun taka við
framkvæmdarstjórastólnum hans í stað.
Anderson, sem er 60 ára, hefur stýrt félaginu sl. 9 ár en hann tók við Delta Air Lines er félagið var á
barmi gjaldþrots árið 2007 áður en það sameinaðist rekstri Northwest Airlines árið 2008 en Anderson
tókst að rétta rekstur félagsins svo sannarlega við eftir það en til að mynda liðu heilir 160 dagar í röð árið 2015 þar sem Delta Air Lines þurfti aldrei að aflýsa flugi.
Síðan þá hefur Delta Air Lines notið velgengni á alþjóðamarkaði, skilað inn góðum hagnaði, fjárfest
í öðrum flugfélögum og keypt sína eigin olíuhreinsistöð og gefið vel af sér til starfsmanna m.a. með veglegum launahækkunum.
Ed Bastian mun taka við stjórn Delta Air Lines
Þá hefur Richard Anderson verið í forsvari fyrir stóru bandarísku flugfélögin þrjú sem hafa
reynt að setja stólinn fyrir dyrnar hjá flugfélögunum þremur fyrir botni Persaflóa og hefur Anderson
ásakað þau félög um að hafa þegið ólögmæta styrki frá sínum löndum sem hefur eyðilagt samkeppnina
fyrir bandarískum flugfélögum.
Ed Bastian, sem tekur við, hefur verið í stjórn félagsins en hann hóf störf hjá Delta árið 1998 í fjármáladeildinni
en hætti að starfa hjá félaginu árið 2000 en kom aftur árið 2005 sem fjármálastjóri og gegndi lykilhlutverki
er félagið fór í gegnum gjaldþrotavernd.
Bastian sóttist eftir forstjórastólnum hjá Delta árið 2007 en Richard Anderson var ráðinn í hans stað en þá hafði Anderson verið í stjórn Northwest.
Bastian hefur einnig komið að fjárfestingum og samstarfi við Virgin Atlantic, AeroMexico, Gol Linhas
og China Eastern Airlines.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.