Þriðjungur flugliða nota svefnlyf og flestir ná ekki 7 tíma svefni fyrir flug

2. maí 2016

|

Frétt skrifuð kl. 09:01

Um helmingur þeirra sem tóku þátt í könnunninni sem sögðust hafa flogið þrátt fyrir veikindi

Ný rannsókn sem gerð var á Írlandi hefur leytt í ljós að um þriðjungur allra flugfreyja og flugþjóna þar í landi taka svefntöflur til að berjast við þau svefnvandamál sem fylgja starfinu.

Um 470 flugliðar tóku þátt í rannsókninni sem gerð var af verkalýðsfélaginu Impact en könnunin leyddi m.a. í ljós að meðalsvefn þeirra sem tóku þátt var 6 klukkustundir og 45 mínútur sem þykir ekki nægur svefntími.

Þá kom fram að um 90% flugliða sögðust eiga í vandamáli með að ná að festa svefn og vöknuðu a.m.k. einu sinni á nóttunni.

Svefnfræðingurinn Dr. Neil Stanley segir að það komi ekki á óvart ef flugliðar eru þreyttir í vinnu og að svefnröskun hafi áhrif á störf þeirra og einbeitingu um borð.

Stanley, sem er yfirmaður hjá American Sleep Association, segir að mörgum svefnlyfjum geti fylgt aukaverkanir á borð við svefnleysi og að nota slík lyf til að sporna við flugþreytu getur valdið því að þreyta renni á þá sem starfa í fluginu á meðan þeir eru við störf og þurfa að vera velvakandi.

Áhöfn hjá Are Lingus

Þá var um helmingur þeirra sem tóku þátt í könnunninni sem sögðust hafa flogið þrátt fyrir veikindi en í 39.4% tilvika var ástæðan að komast hjá veseni við yfirmenn sína hjá flugfélaginu en 28.6 prósent töldu veikindin hafa ekki verið nægilega mikið til að hringja sig inn veika.

Þá voru um 80 prósent flugliða hjá Aer Lingus sem sögðu að þau hafi ekki fengið tíma til að fá sér að borða í vélinni þar sem það var hreinlega of mikið að gera og nefndu margir að slíkt hefði komið fyrir a.m.k. fjórum sínnum á því 28 daga tímabili sem rannsóknin stóð yfir.

Meirihluti þátttakenda sögðust hafa unnið lengur en í 9 klukkustundir á meðan þriðjungur sagði hafa flogið eitt flug yfir 13 klukkustunda tímabil.

Flestir sögðu hafa aðeins einu sinni á þessu 28 daga tímabili náð 12 tíma hvíl sem er sá löglegur hvíldartími sem farið er fram á að áhafnir nái að hvílast á milli flugferða en verkalýðsfélagið Impact segist ætla nota niðurstöðurnar til að ganga úr skugga um að stjórn flugfélagsins fari eftir reglum og lögum er varðar hvíldartíma.

Aer Lingus segir í yfirlýsingu sinni: „Við, eins og önnur flugfélög, framfylgjum ströngustu reglugerðum er varðar heilsu starfsfólks okkar“.