Boeing 727 í góðu ástandi bjargað af flugsafni í Missouri

- N874AA er í góðu ástandi - Museum of Flight ætlaði að rífa vélina

24. júní 2016

|

Frétt skrifuð kl. 23:08

N874AA var afhent ný til American Airlines árið 1978

Airline History Museum flugsafnið í Kansas City í Missouri mun fá gamla farþegaþotu af gerðinni Boeing 727 í safnið hjá sér síðar í sumar sem annars hefði átt að rífa niður en vélin flaug alla sína tíð hjá American Airlines og er nánast í fullkomnu ásigkomulagi.

Boeing 727 vélin hefur skráninguna N874AA og var hún smíðuð árið 1978 og flaug fyrir American Airlines í 25 ár eða þar til hún var tekin úr notkun árið 2003.

Vélin hefur síðan staðið við Museum of Flight í Seattle en flugsafnið hefur ekki pláss fyrir vélina og þar að auki er búið að eyða mörgum árum í að gera upp aðra Boeing 727 þotu sem er sú fyrsta sem smíðuð var hjá Boeing sem er nú þegar á safninu.

Boeing 727 vélin hefur staðið í Seattle í 13 ár

Þegar Airlines History Museum flugsafnið frétti að til stæði að rífa vélina niður þá var haft samband við Musem of Flight en að vélin er í mjög góðu ástandi þrátt fyrir að hafa staðið í 13 ár.

„Það er búið að ræsa alla hreyflana þrjá og þeir gengu snuðrulaust án athugasemda“, segir John Roper hjá Airlines History Museum. - „Öll stjórntækin virka þannig að við erum að stefna að ferjuflug geti hafist til Kansas City fljótlega“, segir Roper.

Þegar vélin kemur til Missouri verður vélin sett á safnið þar sem hún verður notuð sem sýningarvél í þágu flugvísinda, tækni og flugvirkjunar auk þess sem hún verður hluti af verkefni sem miðast af því að hvetja ungt fólk til að fá áhuga á flugi.

Roper mun fara til Seattle í júlí til að fylgjast með því er mikið afl verður sett á hreyflana á vélinni auk þess sem prófanir verða gerðar á hjólabúnaði.

Airlines History Museum flugsafnið er að reyna að hafa uppi á einhverri áhöfn sem flaug vélinni til að bjóða þeim að sjá vélina bæði í Seattle og í Kansas en þessa dagana fer fram mikil pappírsvinna sem þarf að vera lokið áður en leyfi fæst til að fljúga vélinni.

„Það þarf að gera nokkrar flugprófanir í Seattle áður en ferjuflugið mun eiga sér stað“, segir Roper.

Flest flugfélög láta fjarlægja allt úr vélunum eftir að þær eru teknar úr notkun - „Á þessari þá var það ekki gert. Innréttingin í henni er þarna ennþá, sætin og meira að segja kaffikönnurnar og matvagnarnir“.

Boeing 727 vélin á Museum of Flight