flugfréttir
Valdaránstilraun hefur áhrif á afhendingu á fyrstu A320neo til Pegasus
18. júlí 2016
|
Frétt skrifuð kl. 07:39
Tölvugerð mynd af Airbus A320neo í litum Pegasus Airlines
Valdaránstilraunin sem gerð var um helgina í Tyrklandi hefur haft áhrif á afhendingar á nýjum farþegaþotum frá Airbus.
Búið er að fresta afhendingu á fyrstu Airbus A320neo vélinni til tyrkneska flugfélagsins Pegasus Airlines en til stóð að afhenda fyrsta eintakið
til félagsins þann 19. júlí.
„Vegna þeirra atburða í Tyrklandi þá komumst við að sameiginlegri niðurstöðu við Pegasus Airlines um að fresta
afhendingarathöfn á fyrstu Airbus A320neo þotunni“, segir talsmaður Airbus.
Um var að ræða fyrstu Airbus A320neo þotuna sem kemur með LEAP-1A hreyflinum frá CFM International en hingað til hafa allar Airbus A320neo
vélar verið afhentar með PW1100G hreyflinum frá Pratt & Whitney.
Pegasus Airlines pantaði á sínum tíma 75 þotur úr Airbus A320neo fjölskyldunni en pöntunin samanstendur af 57 Airbus A320neo vélum og átján
af gerðinni Airbus A321neo.
Ekki er búið að ákveða nýja dagsetningu fyrir afhendingu á fyrstu A320neo vélinni til Pegasus.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
