flugfréttir
Azores Airlines pantar Airbus A321neo og A321LR
Tölvugerð mynd af Airbus A321LR í litum Azores Airlines
Azores Airlines hefur gengið frá pöntun í sex nýjar Airbus A321neo þotur en vélarnar verða teknar á leigu frá flugvélaleigunni Air Lease Corporation í Bandaríkjunum.
Sex af þessum vélum verða af langdrægu tegundinni, Airbus A321neoLR sem í dag nefnist einfaldlega Airbus A321LR, en vélarnar verða afhentar frá árinu 2017 til 2021.
Azores Airlines mun nota Airbus A321neo vélarnar í flugi frá Azoreseyjum til meginlands Portúgal og einnig til annarra áfangastaða í Evrópu.
Vélarnar munu leysa af hólmi m.a. þær þrjár Airbus A310 þotur sem félagið hefur en floti Azores Airlines samanstendur einnig af þremur Airbus A320 þotum
og einni Airbus A330-200 breiðþotu.
Airbus A321LR vélin mun koma til með að hafa flugþol upp á 7.400 kílómetra og mun Azores Airlines því geta notað þær til að fljúga til áfangastaða
í Norður-Ameríku á borð við Boston, Toronto og Montréal en félagið flýgur nú þegar til þessara borga með Airbus A310.
Azores Airlines hét áður SATA Air Acores en nafni félagsins var breytt í október í fyrra og var ímynd og merki félagsins breytt umtalsvert.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.