flugfréttir
Orðrómur um að Air China sé að fara kaupa Cathay Pacific
Cathay Pacific hefur höfuðstöðvar sínar á flugvellinum í Hong Kong
Orðrómur er uppi um að Air China muni taka yfir rekstri flugfélagsins Cathay Pacific Airways með því að kaupa allan hlut í félaginu en Air China á nú þegar 29 prósent í Cathay Pacific.
Um óstaðfestar fregnir er að ræða en aðili innan Cathay Pacific greinir frá þessu og segir að tilkynnt verði um kaupin á morgun.
Þessar fregnir birtust á vefsíðunni Corporation China en tilraunir miðilsins til að ná á John Slosar, forstjóra Cathay Pacific, og
fá staðfestingu á fréttunum hafa ekki borið árangur.
Cathay Pacific er 10. stærsta flugfélag heims og eitt stærsta flugfélag Asíu með höfuðstöðvar á Chek Lap Kok flugvellinum í Hong Kong en félagið, sem
hefur yfir 140 þotur í flota sínum, hefur nokkrum sinnum verið valið sem besta flugfélag í heimi af Skytrax.
Boeing 747 þota Cathay Pacific í flugtaki frá Chek Lap Kok flugvellinum
Rekstur Cathay Pacific hefur gengið frekar erfiðlega upp á síðkastið en í gær tilkynnti félagið að til stæði að breyta rekstri félagsins, skera
niður og einfalda leiðarkerfið og segja upp starfsfólki.
Þá stendur til að endurskipuleggja fyrirkomulag í deildum er snúa að tölvukerfi, rekstri, mannauð, flugfrakt og fjármálum og segir
í tilkynningu að miklar breytingar verði gerðar á þessu ári í stjórnun og fyrirkomulagi.
Cathay Pacific er 71 árs en félagið var stofnað árið 1946 af Ástralanum Sydney H. Kantzow og Bandaríkjamanninum Roy C. Farrell
en félagið var fyrsta flugfélag í heimi til þess að fljúga beint yfir norðurpólinn árið 1998.
Þá er fraktflugfélagið, Cathay Pacific Cargo, eitt það stærsta í Asíu en félagið hefur yfir 20 júmbó-fraktþotur sem fljúga
til yfir 40 áfangastaða um allan heim.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.