flugfréttir
Qantas tekur í notkun risastórt flugskýli í Los Angeles
- Fyrsta flugskýlið í heimi sem er sérstaklega hannað fyrir Airbus A380
Nýja flugskýlið er með þeim stærstu í Norður-Ameríku
Qantas hefur tekið í notkun risastórt viðhaldsskýli á flugvellinum í Los Angeles en skýlið er eitt af þeim stærstu í Norður-Ameríku og það fyrsta sem er sérstaklega hannað fyrir risaþotuna Airbus A380.
Qantas mun nota skýlið til að framkvæmda skoðanir og viðgerðir á Airbus A380 þotunum á meðan þær eru
á jörðu niðri í Los Angeles en félagið flýgur 40 flugferðir á viku til L.A. frá Sydney, Melbourne og Brisbane með
Airbus A380 og Boeing 747 þotum.
Flugskýlið er tvöfalt stærra en það skýli sem Qantas hefur notað hingað til á flugvellinum í Los Angeles
og hefur það rými fyrir fjórar þotur í einu en með því verður hægt að minnka þann tíma sem fer í viðhald
á flugvélum félagsins um 20 prósent.
Flugskýlið var tekið í notkun hátíðlega athöfn sl. föstudag
Um 40 starfsmenn til viðbótar frá Qantas munu koma til með að starfa í skrifstofurými í skýlinu ásamt þeim hópi
flugvirkja sem munu starfa þar við vélarnar en Qantas mun einnig leigja út þjónustu á viðgerðum og skoðunum
til annarra flugfélaga.
„Við höfum allt að fjórar stórar þotur sem eru á jörðu niðri hérna í Los Angeles hverju sinni og eru þær
hérna í allt að 14 klukkustundir þannig það er mikið vit í því að hafa aðstöðu þar sem við getum nýtt tímann
í skoðanir á vélunum“, sagði Alan Joyce, framkvæmdarstjóri Qantas, við opnunina á skýlinu.
Aðalskoðanir á flugflota Qantas hafa þó alltaf farið fram í Ástralíu en félagið hefur fjárfest mikið í aðstöðu
fyrir skoðanir í öðrum heimsálfum á þeim flugvöllum sem félagið flýgur til en aðstaðan í Los Angeles
er sú næst umfangsmesta.
Það flugskýli sem Qantas hefur hingað til notað á flugvellinum í Los Angeles var reist árið 1958 við upphaf
þotualdarinnar en risaþotan Airbus A380 komst ekki fyrir í því skýli.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.