flugfréttir
Birgjar segjast í viðræðum við Boeing um endalok júmbó-þotunnar
- Boeing staðráðið í að halda framleiðslu áfram á Boeing 747-8
Boeing 747-8 dregin út úr samsetningarsal í Everett
Meirihluti þeirra fyrirtækja og birgja sem framleiða íhluti í nýju Boeing 747-8 þotuna segja að þeir eigi í viðræðum við Boeing um þann möguleika á að hætta að framleiða íhluti í júmbó-þotuna fyrr en áætlað hefur verið.
Boeing segir hinsvegar að engin áform séu uppi um að enda framleiðslu á júmbó-þotunni
sem staðið hefur yfir í næstum hálfa öld.
Fyrirtækið Triumph Group framleiðir m.a. einingar fyrir skrokk vélarinnar, íhluti
í stélhluta og fleiri hluti sem notaðir eru í samsetningu á Boeing 747-8 vélunum en samningurinn
rennur út um mitt árið 2019.
„Við eigum í viðræðum við Boeing um það hvenær framleiðslan á Boeing 747 mun taka
enda. Eins og markaðshorfurnar líta út í dag þá er verið að skoða hvort æskilegt sé að
binda enda á framleiðsluna fyrr en áætlað er“, segir Dan Crowley, framkvæmdarstjóri Triumph
Group.
Triumph Group framleiðir margar einingar fyrir júmbó-þotuna fyrir Boeing
Hver einasta eining sem framleidd hefur verið hjá Triumph Group fyrir júmbó-þotuna
hefur komið út í tapi fyrir fyrirtækið sem þýðir að rekstur þess myndi batna til muna ef
Boeing myndi ákveða að hætta að framleiða júmbó-þotuna.
Boeing segir að framleiðandinn sé samt sem áður sannfærður um að ná að selja
fleiri júmbó-þotur á næstunni en seinasta pöntun kom árið 2016 er United Parcel Service (UPS)
lagði inn pöntun í 14 fraktþotur af gerðinni Boeing 747-8F.
„Við ætlum að halda áfram að framleiða Boeing 747-8 og það eru engin áform um að
hætta framleiðslunni. Við eigum von á því að horfurnar í fraktfluginu eigi eftir að batna
á næstu árum og fraktflugfélögin munu þurfa að endurnýja flugflota sinn“, segir í yfirlýsingu
frá Boeing.
31 júmbó-þota af gerðinni Boeing 747-8 hefur verið afhent frá árinu 2012 en í dag
eru aðeins afhentar sex júmbó-þotur á ári.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.