flugfréttir
Aer Lingus mun skipta Boeing 757 út fyrir Airbus A321LR
- IAG sagt hafa pantað sjö Airbus A321LR fyrir írska flugfélagið
Boeing 757 frá Aer Lingus í flugtaki í Toronto
Sagt er að International Airlines Group (IAG), móðurfélag British Airways, Iberia og Air Lingus, sé búið að ganga frá pöntun í sjö Airbus A321LR þotur sem eru langdrægar útgáfur af Airbus A321neo þotunni.
Þetta er haft eftir heimildarmönnum sem vilja ekki koma fram undir nafni en þeir telja að mögulega muni IAG
greina frá þessu þann 24. febrúar þegar félagið tilkynnir afkomu British Airways.
Vélarnar fara í flota írska flugfélagsins Aer Lingus og eiga þær að leysa af hólmi fjórar Boeing 757 þotur sem félagið hefur haft í flota sínum sl. þrjú ár.
Aer Lingus tók árið 2014 á leigu þrjár Boeing 757 þotur frá ASL Airlines Ireland sem hafa verið notaðar í flugi
til Ameríku frá Shannon til áfangastaða á borð við Boston og New York og einnig hefur félagið flogið
vélunum frá Dublin til Toronto.
Aer Lingus tók árið 2015 á leigu fjórðu þotuna er umsvifin í Atlantshafsfluginu til austurstrandarinnar voru aukin
með flugi til Washington og til Hartford í Connecticut.
Tölvugerð mynd af Airbus A321neo þotunni
Félagið mun nota Airbus A321LR á þessum leiðum en flugfloti Aer Lingus samanstendur
einungis af Airbus-þotum fyrir utan þær fjórar Boeing 757 þotur sem félagið er með á leigu.
Móðurfélagið, IAG, segir að Aer Lingus eigi eftir að heyja samkeppni við Norwegian sem ætlar sér stóra hluti í flugi milli Írlands og austurstrandar Bandaríkjanna með Boeing 737 MAX
þotum.
IAG tilkynnti í nóvember í fyrra að félagið hefði hug á að skipta yfir í langdrægar Airbus A321neo þotur með ráðstöfunarfé upp á 46 milljarða króna sem er ætlað að standa kostnaðinn af því að skipta um
flugvélategund og fara úr Boeing 757 yfir í Airbus A321LR.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.