Aukning í að flugmenn falli á fíkniefnaprófi í Bandaríkjunum

- 1.500 starfsmenn í fluginu vestanhafs féllu af þeim 218.000 sem prófaðir voru

24. mars 2017

|

Frétt skrifuð kl. 15:45

Flugstjóri um borð í Boeing 737 þotu Southwest Airlines

Aukning hefur orðið á þeim tilfellum þar sem flugmenn hafa fallið á lyfjaprófi og greinst undir áhrifum vímuefna í atvinnuflugi.

Árið 2015 voru 38 flugmenn sem féllu á lyfjapróf sem var 29% aukning frá árinu 2014 þegar 27 flugmenn greindust með vímuefni í blóði sínu.

Samkvæmt nýjustu tölum frá bandarískum flugmálayfirvöldum (FAA) hafa að meðaltali 27 flugmenn fallið á fíkniefna- og lyfjaprófi á hverju ári frá árinu 2010 eða alls 165 flugmenn á sex ára tímabili.

Ekki kemur fram hversu margir flugmenn voru prófaðir yfir þetta tímabil en FAA segir að mjög sjaldgæft sé að flugmenn greinist undir áhrifum vímuefna og sé sú tíðna gríðarlega lág.

Fyrr í mánuðinum átti sér stað sorlegur atburður er Brian Halye, 36 ára flugmaður hjá Spirit Airlines og eiginkona hans, Courney Halye, fundust látin á heimili sínu í Centerville í Ohio en dánarorsök þeirra var of stór skammtur af fíkniefnum.

Fram kom að fjögur börn þeirra hafi komið að þeim og hringt í neyðarlínuna í kjölfarið en síðar kom í ljós við krufningu að flugmaðurinn og kona hans höfðu tekið inn of stóran skammt af fentanyl.

Flestir höfðu neytt marjúana, kókaíns eða amfetamíns

FAA segir að flugmenn hafi meðal annars neitt vímuefna á borð við marjúana, kókaín, phencyclidine (PCP) auk amfetamíns sem eru algengustu fíkniefnin sem koma fram á fíkniefnaprófi.

Reglugerð bandarískra flugmálayfirvalda kveður á um að flugfélög skuli láta um 25% þeirra starfsmanna, sem vinna við hámarksöryggiskröfur, gangast undir lyfjapróf á hverju ári.

Árið 2015 mældust 1.500 vímuefnapróf með jákvæðar niðurstöður af þeim 218.000 prófum sem framkvæmd voru á flugmönnum, flugvirkjum, flugkennurum, flugfreyjum, flugþjónum, flugumferðarstjórum, flugvallarstarfsfólki, hlaðmönnum og öryggisvörðum á flugvöllum.

Þetta jafngildir því að 1 af hverjum 145 starfsmönnum, sem starfar í fluginu vestanhafs, féll á lyfjaprófi og hafði því neitt fíkniefna áður en prófið var tekið.

Árið 2014 lét samgönguöryggisnefnd Bandaríkjanna (NTSB) framkvæmda könnun á vímuefnaneyslu og var farið yfir göng yfir þau flugslys sem höfðu átt sér stað vestanhafs bæði í farþegaflugi, fraktflugi og einkaflugi frá árinum 1990 til ársins 2012.

Skoðuð voru þau göng þar sem slasaðir flugmenn, sem komust lífs af úr slysum eða óhöppum, höfðu gengist undir vímuefnapróf í kjölfar þessara slysa og kom í ljós að enginn af þeim hafði neitt fíkniefna á þeim tímapunkti.

„Í heildina litið er tíðni jákvæðra niðurstaðna úr lyfjaprófi mjög lág þegar litið er á þann fjölda prófa sem framkvæmd eru á hverju ári“, segir Elizbeth Cory, talsmaður FAA.