flugfréttir
Rolls-Royce og Icelandair fagna 60 ára samstarfi
2. maí 2017
|
Frétt skrifuð kl. 17:41
Bruce Blythe, aðstoðarforstjóri Rolls-Royce Birki Hólm Guðnasyni, framkvæmdastjóri Icelandair
Í dag fögnuðu Rolls-Royce og Icelandair 60 ára samstarfi sínu með stuttri athöfn sem fram fór í flugskýli félagsins á Keflavíkurflugvelli.
Bruce Blythe, aðstoðarforstjóri Rolls-Royce, afhenti Birki Hólm Guðnasyni, framkvæmdastjóra Icelandair,
minjagrip gerðan úr vélarhlutum í tilefni tímamótanna og farþegar Icelandair milli Bretlands og Íslands fá í
vikunni glaðning frá Rolls-Royce.
Bruce Blythe segir Icelandair hafa sérstöðu meðal viðskiptavina Rolls-Royce vegna langrar samstarfssögu
en einnig vegna viðhaldsárangurs og nýtingarmeta sem félagið hefur sett í notkun RB211 hreyfilsins.
Heimsmet var slegið árið 2000 þegar hreyfill hafði verið á sama vængnum samfellt í 40,531 flugstundir,
eða sem svarar 37 ferðum til tunglsins og til baka.
Sextíu ára samstarfssaga Icelandair og Rolls-Royce nær yfir fjórar flugvélategundir sem nær
aftur til ársins 1957 en fyrsta flugvél félagsins, til að bera hreyfil frá Rolls-Royce, var af gerðinni
Vickers Viscount sem kom með Dart-hreyflum.
Flugvélategundirnar í sögu Icelandair sem hafa komið með hreyflum frá Rolls-Royce eru:
Vickers Viscount (1957 - 1967) – Dart-hreyflar
Canadair CL-44 (1964 - 1973) – Tyne-hreyflar
Fokker F27 Friendship (1965 - 1993) – Dart-hreyflar
Boeing 757 (1990 - í dag) – RB21—535E4 hreyflar
Icelandair er með 28 Boeing 757 þotur í farþegaflugflota sínum um þessar mundir sem allar eru með Rolls-Royce hreyfla. Félagið fagnar 80 ára afmæli sínu á árinu.
Á myndinni afhendir Bruce Blythe, aðstoðarforstjóri Rolls-Royce Birki Hólm Guðnasyni, framkvæmdastjóri Icelandair, minjagrip í tilefni samstarfsafmælisins.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
