flugfréttir
Icelandair mun fljúga allan ársins hring til Vancouver
11. maí 2017
|
Frétt skrifuð kl. 13:03
Boeing 757-200 þota Icelandair í lendingu á flugvellinum í Vancouver
Icelandair hefur ákveðið að auka við flug félagsins til Vancouver á vesturströnd Kanada en næsta vetur verður flogið til borgarinnar tvisvar í viku.
Icelandair hóf flug til Vancouver 2014 og fram að þessu hefur hlé verið gert á fluginu yfir veturinn en nú er borgin orðinn heilsársstaður í leiðakerfi Icelandair.
Borgin er sú stærsta á vesturströnd Kanada með um 2,3 milljónir íbúa. Hún er þykir afar falleg og er iðulega valin eftirsóttasta og besta borg í heimi til búsetu. „Flugið til Vancouver hefur gefið góða raun og við sjáum nú tækifæri til þess að bæta staðnum við heilsársleiðakerfið okkar”, segir Birkir Hólm Guðnason, framkvæmdasstjóri Icelandair.
Frá Vancouver
Eitt af því sem dregur fólk alls staðar að úr heiminum til borgarinnar á veturna er nálægðin við skíðastaðinn Whistler, sem var miðpunktur vetrarólympíuleikanna 2010 í Vancouver og þykir einn sá besti í heiminum.
Vancouver er tíundi staðurinn í Norður-Ameríku sem Icelandair flýgur til allt árið, en hinir eru Edmonton, Seattle, Denver, New York JFK, New York Newark, Toronto, Boston, Chicago og Washington. Árið 2012 var aðeins flogið til þriggja borga í Norður-Ameríku allt árið.
Áætlað er að farþegar Icelandair á yfirstandandi ári verði um rúmlega fjórar milljónir og muni fjölga um 450 þúsund frá því í fyrra.
Flug verður hafið til tveggja nýrra áfangastaða, Philadelphia og Tampa, og ferðum fjölgað til fjölmargra borga í Norður-Ameríku og Evrópu. Alls verða 30 flugvélar nýttar til farþegaflugsins en tvær Boeing 767 vélar bættust nýlega við flota félagsins.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
