flugfréttir
Frekari upplýsingar: Einkaþota flaug í slóða af risaþotu Emirates
- Hljóðritinn náð engum gögnum - Flugritinn náði takmörkuðum upplýsingum
Svona var umhorfs innan í Bombardier Challanger einkaþotunni eftir að hún lenti í Muscat
Frekari upplýsingar hafa komið í ljós við rannsókn atviks sem átti sér stað er einkaþota af gerðinni Bombardier Challanger 604 flaug inn í slóða af Airbus A380 risaþotu frá Emirates er leiðir þeirra lágu saman yfir Indlandshafi þann 7. janúar sl.
Flugslysasérfræðingar höfðu engar upplýsingar í höndunum úr hljóðrita einkaþotunnar þar sem
hljóðritinn var þegar búinn að taka yfir upptökuna við komuna til Muscat.
Samkvæmt vitnisburði frá flugmönnunum þá fór vélin að minnsta kosti sjö veltur í háloftunum með
þeim afleiðingum að fimm af þeim níu manns, sem voru um borð í vélinni, slösuðust.
Þá náðust ekki mikilvægar upplýsingar úr flugrita vélarinnar þar sem viðmiðunarkerfi um borð í vélinni urðu
fyrir truflun í atvikinu og er því ekki vitað um nákvæma flughæð ásamt fleiri upplýsingum.
Flugstjórinn, sem flaug vélinni, lýst því yfir að vélin hefði kastast harkalega til vinstri áður en hún
snérist í nokkra hringi og missti hæð en sjálfstýring vélarinnar fór úr sambandi og reyndu flugmennirnir
strax að ná stjórn á vélinni með handstjórnun.
Báðir flugmennirnir settu á sig aukabelti og þar á meðal belti sem koma yfir axlirnar en aðstoðarflugmaðurinn missti
heyrnartól sín í snúningnum og þá þeyttist nokkuð magn af pappír um stjórnklefann ásamt flugkortum.
Flugstjóri vélarinnar telur að hún hafi snúist í sjö hringi
Flugstjórinn átti í erfiðleikum með að átta sig á því hvað væri himinn og hvað væri sjór þar sem blái litur
himins og hafsins rann saman í einn lit en með því að átta sig á stöðu skýjanna þá náði hann að rétta vélina
af að lokum.
Féll niður 9.000 fet á yfir 600 kílómetra hraða
Ein flugfreyja og fjórir farþegar stóðu í vélinni á þeim tíma sem hún fór að snúast og taka veltur en þau voru
meðal þeirra sem slösuðust en flugfreyjan taldi að vélin hefði
snúst í fjóra hringi þar sem farþegarnir köstuðustu úr sætum sínum og upp í loftið á víxl.
Challanger-einkaþotan náði 330 hnúta hraða er hún féll niður um 9.000 fet sem samsvarar 611 kílómetra hraða
á klukkustund.
Við skoðun á vélinni, eftir að hún lenti í Muscat, komu í ljós skemmdir á innréttingum vélarinnar auk
þess sem blóð var á veggjaklæðningum.
Blóð var á sætum auk þess sem nokkur sæti höfðu losnað úr gólffestingum og þá voru nokkrar
súrefnisgrímur sem féllu niður.
Einn farþegi hlaut alvarlega höfuðáverka auk þess sem hann rifbreinsbrotnaði á meðan annar farþegi
brákaðist á hryggjarlið.
Eftir að flugmennirnir náðu aftur stjórn á vélinni kom í ljós að annar General Electric CF34 hreyfillinn
var búin að missa afl og þurfti að slökkva á honum vegna ofhitnunar.
Talið er að vélin hafi fallið niður um 9.000 fet úr fluglagi FL033 niður í 24.000 fet en flugstjórinn
náði að rétta vélina af með því að beita hallarstýri og sveigja hæðarstýrinu á víxl.
Flugmönnunum tókst að virkja sjálfstýringuna á ný og var ákveðið að lenda í Muscat en vélin var á leið
frá Malé á Maldívíeyjum til Abu Dhabi.
Engar viðvaranir eða tilkynningar höfðu borist um „clear air turbualance“ ókyrrð á þessum slóðum
og segja flugslysasérfræðingar að allt bendi því til þess að flugslóði frá risaþotu Emirates hafi verið valdurinn
að atvikinu.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.