flugfréttir
Boeing setur upp skrifstofur vegna Boeing 797 verkefnisins
- Þýðir ekki að tekin hafi verið ákvöðrun um nýja framtíðarþotu
27. september 2017
|
Frétt skrifuð kl. 07:40
Frá verksmiðjum Boeing í Renton þar sem Boeing 737 er smíðuð
Boeing virðist vera búið að færast einu skrefi nær undirbúningnum við að koma nýrri farþegaþotu á teikniborðið sem að öllum líkindum mun fá nafnið Boeing 797.
Boeing tilkynnti starfsmönnum sínum sl. mánudag að verið væri að setja upp skrifstofur þar sem verkfræðingar, yfirmenn og aðrir starfsmenn munu koma til með að starfa að þeirri rannsóknarvinnu sem þarf að eiga sér stað ef ákveðið verður að ráðast í hönnun á nýrri farþegaþotu.
Ekki er formlega búið að tilkynna um Boeing 797 verkefnið en Kevin McAllister, forstjóri yfir farþegaþotudeild Boeing,
tók fram í skilaboði, sem send voru til starfsmanna sl. mánudag (memo), að Mark Jenks hafi verið ráðinn yfirmaður með verkefninu
sem nefnist „NMA Program“ sem stendur fyrir „New Mid-Market Airplane“.
Mark Jenks, yfirmaður yfir Dreamliner-deildinni hefur verið gerður að forstjóra yfir nýrri deild vegna þróunar á nýrri farþegaþotu (Boeing 797)
Mark Jenks var yfirmaður Boeing 787 deildarinnar en hann tók við af Larry Loftis árið 2015 sem hafði yfirumsjón
með Dreamliner-framleiðslunni þar á undan.
McAllister segir að Mark Jenks hafi þá reynslu sem til þarf til að leiða þróun á nýrri þotu eftir að hafa komið
að Dreamliner-verkefninu sem felur meðal annars í sér greiningu á þörfum viðskiptavina, áætlunargerð
yfir kostnað á þróun og hönnun vélarinnar.
Gert er ráð fyrir að Boeing muni taka endanlega ákvörðun um Boeing 797 fyrir lok ársins 2018 en þótt að Boeing
hafi ekki viðurkennt formlegt nafn vélarinnar þá eru óstaðfestir heimildir fyrir því að Boeing tali um „Boeing 797“
við þá viðskiptavini sem hafa verið kynntir fyrir nýju þotunni.
Boeing 797 er ætlað að taka frá 220 til 270 farþega og mun hún verða stærri en Boeing 737 MAX 10 en þó minni
en Boeing 787-8.
Margir markaðssérfræðingar í fluginu telja að Boeing muni taka ákvörðun um að hefja smíði á Boeing 797 á næsta ári en hún mun þó sennilega ekki koma á markað fyrr en árið 2024.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
