flugfréttir
Þyrla frá Air Greenland finnur brak úr hreyfli þotu Air France
- Fundu staðsetningu braksins með gögnum úr flugrita risaþotunnar
5. október 2017
|
Frétt skrifuð kl. 19:05
Þyrla frá Air Greenland fann brak úr hreyfli Airbus A380 risaþotu Air France í gær
Brak úr hreyfli á Airbus A380 risaþotu Air France, sem bilaði í miðju flugi milli Parísar og Los Angeles sl. laugardag, hefur fundist á ísþöktu svæði við jökuljaðar á vesturströnd Grænlands.
Það var þyrla frá Air Greenland sem kom auga á brakið í gær sem hafði fallið til jarðar úr 37.000 fetum í kjölfar
sprengingar í einum af hreyfli þotunnar en um hreyfil nr. 4 var að ræða.
Vegna atviksins var ákveðið að fara út af áætlaðri flugleið og lenti risaþotan á flugvellinum í
Goose Bay á Nýfundnalandi 2 klukkustundum síðar en um borð voru 497 farþegar og tólf manna áhöfn.
Flugslysanefndin í Frakklandi tilkynnti í dag að með upplýsingum úr flugrita risaþotunnar var hægt
að finna nákvæma staðsetningu yfir Grænlandi þar sem sprengingin í hreyflinum átti sér stað.
Hreyfillinn á Airbus A380 risaþotunni eftir lendingu á
flugvellinum í Goose Bay
Staðsetningin er 81 nm (150 kílómetrar) suðaustur af bænum Paamiut en með þau gögn í hendi
var þyrla frá Air Greenland send á vettvang í gær og kom áhöfn þyrlunnar auga á brak úr hreyflinum.
Stefna á að reyna ná brakinu og koma því til rannsóknaraðila
Flugslysanefnd Danmerkur mun vinna að því í samstarfi við frönsk yfirvöld að skipuleggja
björgunarleiðangur til að koma því í hendur flugslysaséfræðinga.
Á meðan munu flugslysasérfræðingar í Frakklandi halda áfram að vinna úr gögnum
úr flugritanum en risaþotan sem um ræðir er enn á flugvellinum í Goose Bay.
Að rannsókninni koma flugslysasérfræðingar frá samgönguöryggisnefnd Bandaríkjanna (NTSB),
rannsóknarnefnd flugslysa í Kanada auk þess sem sérfræðingar frá Engine Alliance og
frá Frakklandi voru sendir til Goose Bay.
Fyrstu vísbendingar benda til þess að eitt af viftuhjólum túrbínunar hafi losnað með þeim afleiðingum
að sprenging varð í hreyflinum sem braut í burtu fremri hreyflahlífina auk annarra hluta
í kjarna hreyfilsins.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
