flugfréttir
Boeing 767 sniðug lausn þar sem Dreamliner er of dýr
- Telur sniðuga lausn ef Boeing myndi framleiða 767 aftur sem farþegaþotu
Boeing 767 er í dag aðeins framleidd sem fraktþota og sem eldsneytisvélin KC-46
Áform Boeing um að hefja aftur smíði á farþegaþotuútgáfu af Boeing 767 gæti komið sér vel fyrir lágfargjaldaflugfélög og þau flugfélög sem hafa ekki efni á Dreamliner-þotunni.
Þetta segir Dhierin Bechai, markaðssérfræðingur í flugmálum hjá AeroAnalyst í London
sem segir að Boeing 787-8 sé þó með lengra flugdrægi og sé hagkvæmari í rekstri
en Boeing 767-300ER en Dreamliner-vélin kemur þó með verðmiða sem fá flugfélög
ráða við.
„Vandamálið fyrir flugfélögin er kostnaðurinn. Boeing 787-8 kostar 23 milljarða króna
en kostnaður við kaup á nýrri Boeing 767-300ER þotu er 40% lægri“, segir Bechai.
Boeing hefur ekki staðfest hvort að til standi að hefja aftur framleiðslu á farþegaútgáfunni
af Boeing 767 en framleiðandinn hefur beðið birgja um að gera grein fyrir því hvort þeir
geti aukið afköst sín svo hægt sé að tvöfalda afkastagetuna á Boeing 767 framleiðslunni.
Boeing 767-200 þota fyrir framan verksmiðjur Boeing í Everett
Bechai segir að það sé alls ekki slæm hugmynd að hefja aftur framleiðslu á Boeing 767 farþegaþotunni
en í dag eru aðeins framleiddar Boeing 767 fraktþotur og eldsneytisvélin KC-46 sem byggir
á Boeing 767.
Bechai segir að það sem flugfélögin þoli ekki sé óvissa og getgátur um nýjar vélar á borð
við hina fyrirhuguðu „Boeing 797“.
Flugfélögin þekkja vel Boeing 767 sem hefur verið í umferð í áratugi og er hundruði Boeing 767
breiðþotna í umferð í dag víðsvegar um heim.
Bechai segir að það sé sniðugur leikur á borði hjá Boeing að framleiða Boeing 767 aftur
sem farþegaþotu á meðan verð á þotueldsneyti hefur enn ekki hækkað og myndi það þá
einnig brúa bilið áður en Boeing 797 kemur á markaðinn.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.