flugfréttir
Sex svifflugum stolið frá flugklúbbi á Jótlandi
2. nóvember 2017
|
Frétt skrifuð kl. 16:20
Talið er að svifflugvélunum hafi verið stolið á tímabilinu frá aðfaranótt þriðjudags til aðfaranótt fimmtudags
Sex svifflugvélum var í vikunni stolið frá svifflugsklúbbi einum á Jótlandi en brotist var inn á Vesthimmerlands-flugvellinum nálægt bænum Aars, skammt suðvestur af Álaborg.
Ekki hefur tekist að hafa hendur í hári þjófanna en talið er að þeir hafi stolið svifflugunum
á tímabilinu frá aðfaranótt þriðjudagsins til síðastliðnar nætur.
Samkvæmt lögreglunni á Norður-Jótlandi þá voru svifflugurnar í gámi í flugskýli á vellinum
og voru þeir fjarlægðar úr gámnum og ekið á brott.
Tvær svifflugurnar eru af gerðinni LS4, framleiddar af Rolladen-Schneider í Þýskalandi og ein
af gerðinni LS6, framleidd af sama fyrirtæki.
Hinar þrjár eru af gerðinni Duo Discus, framleidd af Schempp-Hirth, DG-400 framleidd
af Glaser-Dirks og ein af gerðinni Centrair Pegase.
Svifflugvélar á vegum flugklúbbsins
Svifflugtímabilið hjá klúbbnum endaði í lok október og var öllum vélunum komið fyrir í gámi
eftir að lokahóf félagsins fór fram síðustu helgi og átti að færa þær í geymslu yfir veturinn.
Dýrasta svifflugan kostaði 13 milljónir króna
Talið er að þjófnaðurinn hafi verið mjög vel skipulagður en þjófarnir höfðu borað göt á hliðið
að flugvelli klúbbsins og komist með þeim hætti inn á svæðið.
Tjónið er umtalsvert þar sem svifflugurnar kostuðu frá 2,4 milljónum stykkið sú ódýrasta
en dýrasta kostaði 13 milljónir króna.
Talið er að þjófarnir hafi notað vörufluttningabíl þar sem stór hjólför hafa fundist á vettvangi
en rannsókn málsins stendur nú yfir.
„Þeir hafa allavega ekki ekið þeim á brott í venjulegum fólksbíl - það er alveg víst“, segir
Preben Møller hjá lögreglunni í Himmerland.
Fjórar af þeim sex svifflugum sem stolið var voru í eigu klúbbsins en tvær voru í einkaeigu.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
