flugfréttir
Báðir flugmennirnir yfirgáfu stjórnklefann í kjölfar rifrildis
- Sló flugstjórann utan undir sem yfirgaf stjórnklefann grátandi
4. janúar 2018
|
Frétt skrifuð kl. 16:34
Boeing 777-300ER þota Jet Airways í flugtaki á Heathrow-flugvellinum í London
Tveir flugmenn hjá indverska flugfélaginu Jet Airways hafa verið leystir af störfum eftir að í ljós kom að þeir höfðu báðir yfirgefið stjórnklefann í kjölfar rifrildis þeirra á milli í miðju flugi um borð í Boeing 777-300ER þotu félagsins.
Vélin var í áætlunarflugi frá London Heathrow til Bombay á Indlandi á nýársdag þegar atvikið átti sér stað
en fjölmiðlar á Indlandi greina frá því að karlkyns aðstoðarflugmaður hafi slegið hinn flugstjórann, sem er kvenmaður,
utan undir.
Við það yfirgaf hún stjórnklefann í tárum en eftir að í ljós kom að hún var ekki að koma til baka ákvað hinn flugmaðurinn
að fara aftur í vél og til að fá hana til að koma aftur fram í.
Við það hafi áhöfnin brotið alþjóðleg lög sem kveða á um að ávalt skal a.m.k. einn flugmaður vera við stjórnvölinn
á meðan á flugi stendur.
Fram kemur að flugmennirnir hafi báðir verið fyrir utan stjórnklefann í um eina mínútu á meðan flugstjórnarklefinn var mannlaus en
vélin var stillt á sjálfstýringu í farflugsham.
Jet Airways hefur tilkynnt atvikið til indverskra flugmálayfirvalda á hafa flugmennirnir verið leystir af störfum
á meðan verið er að bíða eftir að rannsókn hefjist.
Báðir flugmennirnir fóru aftur í stjórnklefann og voru við stjórnvölin þar til vélin lenti í Bombay.
Um borð í vélinni voru 324 farþegar og fjórtán manna áhöfn en vélin lenti á áætlun á flugvellinum í Bombay nokkrum
klukkustundum síðar.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
