flugfréttir
Fyrsti þátturinn í kvöld um sögu varnarliðsins
- Fjórir þættir á sunnudagskvöldum í Ríkissjónvarpinu
Fyrsti þátturinn af fjórum verður sýndur í kvöld klukkan 19:45 á RÚV
Ný heimildarþáttaröð um sögu varnarliðsins mun hefja göngu sína í Ríkissjónvarpinu í kvöld en í þáttunum verður rakin saga bandaríska varnarliðsins á Íslandi frá árinum 1951 til 2006.
Þættirnir eru í fjórum hlutum og verður fyrsti þátturinn sýndur í kvöld, 7. janúar, klukkan 19:45 en næstu þættir verða sýndir næstu þrjá sunnudaga.
Þættirnir byggja á rannsóknum Friðþórs Eydal sem starfaði um árabil í aðalstöðvum varnarliðsins en
í þáttunum koma fram margvíslegar áður óbirtar upplýsingar um starfsemi og tilgang herliðsins og mikið af myndefni sem ekki hefur sést fyrr.
Keflavíkurflugvöllur lék stórt hlutverk í hernaðaráætlunum
kjarnorkusprengjuflugflota Bandaríkjanna á sjötta áratugnum með
samþykki íslenskra stjórnvalda.
Á sjöunda og áttunda áratugnum
varð megináherslan á gagnkafbátahernað ásamt stuðningi við nýja
sóknarstefnu á norðurslóðum sem Bandaríkjaher tók upp á níunda
áratugnum. Er þróuninni lýst í þáttunum ásamt mikilvægi
herbækistöðva í landinu.
Skýrð er í fyrsta sinn hvernig starfrækslu kafbátaleitarflugsins
frá Keflavíkurflugvelli var háttað og lýst rekstri mikilvægra
stöðva til neðansjávarhlustunar og fjarskiptamiðunar, sem þóttu
ómissandi við kafbátaleitina, ásamt fjarskipta- og
staðsetningarkerfi fyrir bandaríska kjarnorkukafbáta.
Einnig er varpað nýju ljósi á samskipti stjórnvalda og mikilvæg
hagsmunamál á borð við flugvallarreksturinn, björgunarmál og
þætti innlendra aðila í þjónustu og verktöku fyrir varnarliðið.
Þá er ítarleg umfjöllun um líf og störf í herstöðinni og
viðtöl við helstu samningamenn Íslands og Bandaríkjanna í
langdregnum viðræðum um samdrátt og brotthvarf varnarliðsins.
Handrit þáttanna var í höndum Friðþórs Eydal, Konráðs Gylfasonar og Guðbergs Davíðssonar
en Konráð og Guðbergur sáu um leikstjórn.
Framleiðandi þáttanna er Ljósop og KAM Film.
Sýnishorn úr þættinum:
„Varnarliðið“ Kaldastríðsútvörður Trailer01 from KAM film on Vimeo.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.