flugfréttir

Ný leit að hefjast að malasísku farþegaþotunni

- Fyrirtækið fær aðeins greiðslu ef flakið finnst

8. janúar 2018

|

Frétt skrifuð kl. 17:17

Leitarskipið Seabed Construction er nú á leið yfir Indlandshaf frá Suður-Afríku

Ný leit er að hefjast að malasísku farþegaþotunni, flugi MH370, sem hvarf sporlaust árið 2014 en í mars næstkomandi verða liðin 4 ár frá því vélin hvarf á leið sinni frá Kuala Lumpur til Peking með 239 manns innanborðs.

Ríkisstjórn Malasíu tilkynnti sl. laugardag að búið væri að gera samning við Ocean Infinity sem er einkarekið fyrirtæki í Houston í Texas sem mun taka að sér hina nýju leit sem mun fara fram á Indlandshafi.

Hvarf flugs MH370 er orðin ein stærsta ráðgáta flugsögunnar ásamt hvarfi flugkonunnar, Amelíu Earhart, sem ætlaði sér að fljúga kringum hnöttinn árið 1937, en flugsérfræðingar um allan heim hafa staðið á gati er kemur að því að svara spurningunni hvernig þota á borð við Boeing 777 getur horfið sporlaust.

Ár er liðið frá því að leitinni að malasísku farþegaþotunni var hætt en í janúar 2017 yfirgaf síðasta leitarskipið leitarsvæðið en þá hafði leitin staðið yfir í 1.046 daga eða í 2 ár og 10 mánuði.

Margir vísindamenn, sérfræðingar og aðrir aðilar hafa lengi talið að malasíska farþegaþotan hafi farið mun norðar í sjóinn við það svæði sem leitað hefur verið á

Ef fyrirtækinu Ocean Infinity tekst ekki að finna flak vélinnar þá mun fyrirtækið ekki fá neina greiðslu en samningurinn felur í sér sáttmála sem á ensku nefnist „no find, no fee“ og munu malasísk stjórnvöld einungis greiða fyrirtækinu og starfsmönnum þess greiðslu ef flak vélarinnar kemur í leitirnar.

Liow Tiong Lai, samgönguráðherra Malasíu, segir að stjórnvöld í landinu vilja ekki gefa ættingjum og aðstandendum neinar falskar vonir með leitinni en tók fram að ríkisstjórnin væri staðráðin í að gefast ekki upp.

28 sinnum minna leitarsvæði - og mun meiri líkur á að flakið sé þar að finna

Ocean Infinity segir að leitarskipið Seabed Constructor hafi farið úr höfn í Durban í Suður-Afríku strax í seinustu viku til að nýta sér hagstæða hafstrauma austur á bóginn í átt að leitarsvæðinu.

Flugmálayfirvöld í Ástralíu (ATSB), sem stjórnuðu leitinni seinast, segja að í dag hafi þau mun skýrari mynd af því hvar flakið gæti verið að finna en fjöldi sjálfstæðra sérfræðinga og einstaklinga höfðu sl. misseri greint frá því að upphafleg leit hafi farið fram á kolröngum stað.

Út frá gervitunglamyndum og nýjum reiknilíkönum af braki, sem meðal annars hefur skolað upp á land við austurströnd Afríku, er búið að greina „mjög heitt leitarsvæði“ sem er aðeins 25.000 ferkílómetrar á stærð en á því svæði er talið mjög líklegt að flak vélarinnar sé að finna.

Til samanburðar þá hafði verið leitað á 700.000 ferkílómetra stóru svæði þegar seinustu leit var hætt og er því um að ræða 28 sinnum minna svæði að þessu sinni.







  fréttir af handahófi

Þyrla og Cessna rákust saman á flugi á Englandi

17. nóvember 2017

|

Talið er að enginn hafi komist lífs af er lítil flugvél og þyrla rákust saman á flugi yfir Englandi í dag, skammt austur af Oxford.

Icelandair styrkir nemendur við Háskóla Íslands og HR

1. nóvember 2017

|

Icelandair hefur gert samstarfssamning við Háskóla Íslands og Háskólann í Reykjavik um stuðning félagsins við nemendur skólanna, einkum meistara- og doktorsnema.

Ólíklegt að Brandenburg-flugvöllur opni fyrir árið 2021

23. nóvember 2017

|

Svo gæti farið að Brandenburg-flugvöllurinn í Berlín muni ekki opna fyrr en eftir 4 ár eða árið 2021.

  Nýjustu flugfréttirnar

EasyJet tekur á leigu tvær fjögurra hreyfla BAe 146 þotur

16. janúar 2018

|

EasyJet hefur tekið á leigu tvær farþegaþotu af gerðinni British Aerospace 146 en vélarnar er teknar á leigu frá þýska flugfélaginu WDL Aviation sem mun sjá um flugreksturinn fyrir hönd easyJet.

Stefnir í lokun á flugvöllum - Innanlandsflugið á þolmörkum

16. janúar 2018

|

Það var þéttsetið á morgunfundi Isavia í morgun þar sem framtíð innanlandsflugsins var rædd en gerð var grein fyrir þeirri stöðu sem blasir við rekstri flugvalla landsins.

Arlanda-flugvöllur tekur í notkun hlið fyrir risaþotur

15. janúar 2018

|

Arlanda-flugvöllurinn í Stokkhólmi er nú tilbúinn til að taka við risaþotunni Airbus A380.

3 milljónir bókuðu flug með Ryanair í síðustu viku

15. janúar 2018

|

Ryanair tilkynni í dag að lágfargjaldafélagið hafi sett bókunarmet en aldrei áður hafa eins margir farþegar bókað flug á einni viku í sögu félagsins.

Kýr á flugbraut olli röskun á Indlandi

15. janúar 2018

|

Kýr, sem hafði komist inn á flugvallarsvæðið á flugvellinum í borginni Ahmedabad á Indlandi, olli töluverðri röskun á flugi í seinustu viku.

Interjet rífur niður 4 ára gamlar Sukhoi Superjet 100 þotur

15. janúar 2018

|

Mexíkóska flugfélagið Interjet er farið að rífa niður nýjar Sukhoi Superjet 100 þotur til að fá varahluti til að halda öðrum Sukhoi-þotum í umferð.

Skipt verður um hreyfla á öllum Boeing 787 þotum Norwegian

15. janúar 2018

|

Norwegian ætlar að skipta um hreyflategund á öllum þeim þrettán Dreamliner-þotum sem félagið hefur fengið afhentar vegna vandamála með Trent 1000 hreyfilinn frá Rolls-Royce auk átta Dreamliner-þotna t

Rúmlega 200 atvinnuflugmenn hafa útskrifast frá Keili

14. janúar 2018

|

Flugakademía Keilis útskrifaði 28 atvinnuflugnema við hátíðlega athöfn þann 12. janúar síðastliðinn en þetta var í átjánda skiptið sem Keilir brautskráir nemendur úr atvinnuflugnámi skólans og hafa þá

Rann út af í lendingu og steyptist niður kletta við sjóinn

14. janúar 2018

|

Mikil mildi þykir að ekki urðu alvarleg slys á fólki er farþegaþota af gerðinni Boeing 737-800 frá tyrkneska flugfélaginu Pegasus Airlines rann út af braut í lendingu í Tyrklandi í gærkvöldi en véli

Eitt flugrekstarleyfi fyrir Alaska Airlines og Virgin America

13. janúar 2018

|

Bandarísk flugmálayfirvöld (FAA) hafa gefið út sameiginlegt flugrekstarleyfi fyrir Alaska Airlines og Virgin America í kjölfar samruna félaganna tveggja.

 síðustu atvik

  2018-01-01 19:24:00