flugfréttir
Virgin afpantar risaþotuna
- Pöntuðu sex Airbus A380 risaþotur árið 2001
Tölvugerð mynd af risaþotunni Airbus A380 í litum Virgin Atlantic
Virgin Atlantic hefur hætt við pöntun sína í risaþotuna Airbus A380 en flugfélagið breska pantaði sex risaþotur árið 2001.
Á lista Airbus yfir þær risaþotur sem pantaðar hafa verið kemur fram að hætt hefur verið við sex þotur
sem voru merktar Virgin Atlantic.
Virgin var með þeim fyrstu flugfélögum sem lögðu inn pöntun í risaþotuna A380 en félagið hafði ítrekað
frestað afhendingum allt frá því félagið átti upphaflega að fá þær afhentar árið 2006.
„Eftir að hafa farið vel yfir flotastefnu okkar þá höfum við tekið þá ákvörðun um að taka ekki Airbus A380
í flotann okkar“, segir í tilkynningu frá Virgin sem hefur staðfest afpöntunina.
Félagið segir að það eigi í viðræðum við Airbus um að panta fleiri Airbus A350-1000 þotur en félagið
á nú þegar von á tólf þotum af þeirri gerð og verða þær fyrstu afhentar árið 2019.
Með þessu mun heildarfjöldi pantaðra Airbus A380 risaþotna lækka úr 337 niður í 331 risaþotu
en af þeim hafa 222 verið afhentar.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.