flugfréttir
Lengsta áætlunarflug heims hefst á ný í október
- Tæplega 19 tíma flug með Airbus A350-900ULR milli Singapore og Newark
Singapore Airlines mun byrja að fljúga aftur milli Singapore og Newark-Liberty flugvallarins í október
Singapore Airlines mun byrja aftur að fljúga lengsta áætlunarflug heims sem er flug milli Singapore og Newark-flugvallarins í New Jersey í Bandaríkjunum.
Fyrsta flugið verður flogið þann 11. október í haust og mun Singapore Airlines nota nýju
Airbus A350-900ULR (Ultra Long Range) þotuna til flugsins sem nú er í prófunum hjá Airbus.
Airbus A350-900ULR verður langdrægasta farþegaþota heims er hún kemur á markaðinn
og mun hún hirða titilinn af Boeing 777-200LR sem í dag er sú langdrægasta.
Flugleiðin milli Singapore og Newark komst í Heimsmetabók Guinness sem lengsta áætlunarflug í heimi
en það flug lagðist af árið 2013 þar sem Singapore Airlines þótti A340-500 breiðþotan vera mjög óhagkvæm
fyrir hið langa flug.
Airbus A340-500 þota Singapore Airlines á Newark-flugvellinum árið 2009
Singapore Airlines var búið að tilkynna að hin nýja A350-900ULR þota myndi gera félaginu kleift
að taka upp þráðinn að nýju og hefur félagið núna ákveðið dagsetningu fyrir endurkomu flugsins.
Fyrstu vikuna mun Singapore Airlines fljúga 3 sinnum í viku milli Singapore og Newark en flogið verður daglega
strax þann 18. október þegar fleiri Airbus A350-900ULR þotur bætast við í hópinn.
Þess má geta að flugtíminn milli Singapore og Newark verður 18 klukkustundir og 45 mínútur.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.