flugfréttir
Qantas neyðist til að nota Boeing 747 í innanlandsflugi
- Alvarlegur skortur á Boeing 737 flugmönnum hjá félaginu
Qantas stefnir á að vera búið að losa sig við allar júmbó-þoturnar árið 2020
Qantas neyðist til þess að nota júmbó-þotuna í innanlandsflugi í Ástralíu á næstunni þar sem skortur er á þeim flugmönnum sem fljúga Boeing 737 þotum sem notaðar eru að mestu leyti í flugi innanlands þar í landi.
Frá og með 30. júlí verða Boeing 747-400 þotur notaðar á nokkrum flugleiðum og þar á meðal
milli Sydney og Perth auk þess sem Airbus A330 breiðþotur verða einnig notaðar
í innanlandsflugi.
Ástæðan er sú að Qantas hefur ekki nægilega marga Boeing 737-flugmenn og varð félagið
uppiskroppa með þá þar sem margir þeirra voru sendir á sínum tíma í þjálfun á Dreamliner-þoturnar.
Nú hefur komið í ljós að félagið
hefur sennilega tekið aðeins of marga flugmenn af Boeing 737 þar sem ekki eru nægilega
margir tiltækir þegar óvæntar breytingar verða í rekstrinum.
Qantas hefur 70 Boeing 737-800 þotur sem notaðar eru í innanlandsflugi
Qantas hefur 70 þotur af gerðinni Boeing 737-800 sem er algengasta flugvélategundinn í flotanum
og hefur félagið átt í erfiðleikum með að ráða til sín fleiri 737 flugmenn.
Samt sem áður
er verið að þjálfa á fullu nýja flugmenn á Boeing 737 en þrátt fyrir að afköstin við þjálfun í hermi sé í hámarki þá dugar það ekki til.
600 flugmenn hafa náð hámarksflugtímafjölda
Samkvæmt frétt The Sydney Herald þá kemur fram að 600
flugmenn, sem fljúga Boeing 737 hjá Qantas, hafa náð hámarkstíma sem leyfilegt
er að fljúga á 12 mánaða tímabili sem eru 1.000 flugtímar samkvæmt reglugerðum
flugmálayfirvalda í Ástralíu.
Qantas hefur reynt eftir mesta megni að láta flugmenn ekki fljúga meira en 950 klukkustundir
á ári svo hægt sé að skilja eftir nokkra tíma upp á sveigjanleika að gera þegar á þarf að halda.
Þrátt fyrir að þjálfun nýrra flugmanna á Boeing 737 sé í gangi með hámarksafköstum þá dugar það ekki til
Erfiðlega hefur einnig gengið að fá flugkennara og dómara með tegundaráritun á Boeing 737 til þess að meta
hæfni í þjálfun á flughermi og verða 60 þjálfunartímar felldir niður í júlí vegna þessa.
Talsmaður Qantas segir að flugfélagið ástralska segir að aldrei áður hafi verið eins mikið
álag og umsvif í þjálfun nýrra flugmanna sé félagið að ganga í gegnum stærsta þjálfunartímabil
í sögu félagsins.
Qantas hefur meðal annars sótt um leyfi til stjórnvalda til að fá að ráða fleiri erlenda
flugkennara til að koma til Ástralíu svo hægt sé að þjálfa fleiri flugmenn.
Stéttarfélag flugmanna hjá Qantas segir að ekki sé um flugmannaskort að ræða heldur klúður hjá stjórn
Qantas í starfsmannamálum.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.