flugfréttir
Lenti á nýrri flugbraut sem hefur ekki verið tekin í notkun
27. ágúst 2018
|
Frétt skrifuð kl. 10:32
Atvikið átti sér stað á flugvellinum í borginni Ulan-Ude í Rússlandi
Farþegaþota frá rússneska flugfélaginu Ural Airlines lenti óvart á lokaðri flugbraut á flugvellinum í borginni Ulan-Ude í Rússlandi sl. laugardag.
Þotan, sem er af gerðinni Airbus A320, var í áætlunarflugi frá Moskvu til Irkutsk en vegna slæms veðurs
var ákveðið að lenda á Mukhino-flugvellinum í borginni Ulan-Ude sem er í 214 kílómetra fjarlægð austur af Irkutsk.
Framkvæmdir standa yfir á nýrri flugbraut á Mukhino-flugvellinum sem hefur enn ekki verið tekin í notkun en verið
er að breyta flugbrautinni, sem áður var grasbraut, í lengri flugbraut með steyptu yfirlagi en brautin liggur samsíða
aðalflugbraut vallarins.
Þotan lenti á nýju flugbrautinni á sama tíma og verið var að prófa aðflugs- og flugbrautarljós á nýju brautinni og er talið að flugmennirnir
hafi ruglast á þeirri braut og flugbrautinni sem þeir áttu að lenda á.
Engan sakaði í lendingunni en vélin var kyrrsett á brautinni eftir lendinguna vegna rannsóknar á atvikinu.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
