flugfréttir
Icelandair hættir við kaup á WOW air
Flugvélar Icelandair og WOW air á Keflavíkurflugvelli í vor
Icelandair hefur hætt við fyrirhuguð kaup á flugfélaginu WOW air en þann 5. nóvember sl. tilkynntu félögin tvö um kaupsamning Icelandair Group á félaginu.
Í tilkynningu frá Icelandair Group segir að það hafi verið sameiginleg niðurstaða beggja
flugfélaganna að falla frá kaupunum en fram kom þann 26. nóvember að ólíklegt væri að
allir fyrirvarar varðandi kaupin yrðu uppfyllt í tæka tíð fyrir hluthafafund Icelandair sem fram
fer á morgun, 30. nóvember.
„Fyrirhuguð kaup Icelandair Group á flugfélaginu Wow air munu ekki ganga eftir. Stjórn og stjórnendur beggja félaga hafa unnið að þessu verkefni af heilum hug. Niðurstaðan er vissulega vonbrigði. Stjórnendum WOW air færi ég þakkir fyrir mjög gott samstarf í þessu verkefni síðustu vikur. Jafnframt óskum við eigendum og starfsfólki félagsins alls hins besta.“, segir í yfirlýsingu frá Boga Nils Bogasonar, starfandi forstjóra Icelandair Group.
Skúli Mogensen, forstjóri og stofnandi WOW air, átti í viðræðum í morgun við erlenda fjárfesta
um möguleg kaup á félaginu og segir hann að viðræður við erlenda fjárfesta gangi vel en ekki
hefur verið gefið upp hvaða fjárfestar það eru.
Fjórum af tuttugu þotum félagsins hefur verið skilað til eigenda sinna erlendis sem
eru flugvélaleigur en sl. þriðjudag var TF-LUV, TF-BRO, TF-SIS og TF-WOW flogið af landi brott
til Tarbes-flugvallarins í suðurhluta Frakklands.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.