flugfréttir
Nýtt flugfélag í Afríku pantar 100 Boeing 737 MAX þotur
- Stærsta flugvélapöntun sem gerð hefur verið á einu bretti frá Afríku
Tölvugerð mynd af Boeing 737 MAX í litum Green Africa Airways
Nýtt flugfélag í Afríku, sem hefur enn ekki hafið starfsemi sína, hefur lagt inn til Boeing stærstu pöntun sem komið hefur á einu bretti frá Afríku í 100 þotur af gerðinni Boeing 737 MAX.
Það er flugfélagið Green Africa Airways í Nígeríu sem hefur pantað þoturnar
100 en samkvæmt listaverði er pöntunin metin á 11.7 milljarða bandaríkjadali
sem jafngildir eitt þúsund þrjú hundruð sextíu og sjö milljörðum krónum.
Lítið er vitað um þetta nýja flugfélag en á heimasíðu flugfélagsins segir að
um sprotaflugfélag sé að ræða sem ætlar að bjóða upp á hagstæð fargjöld og
öruggar flugsamgöngur í Afríku.
Green Africa hefur þegar fengið flugrekstrarleyfi afhent frá flugmálayfirvöldum
í Nígeríu en að sögn Boeing þá eru nokkur þekkt andlit í flugiðnaðinum sem
standa að baki flugfélaginu og þar á meðal Tom Horton, fyrrum forstjóri
American Airlines, William Shaw, stofnandi og fyrrum framkvæmdarstjóri
VivaColombia og Virasb Vahidi, fyrrum fjármálastjóri American Airlines.
Pöntun Green Africa í Boeing 737 MAX þotunar eitt hundrað skiptist niður
í staðfesta pöntun í fimmtíu þotur með möguleika á fimmtíu þotum til viðbótar.
Pöntunin kemur Boeing í fyrsta sætið yfir þann flugvélaframleiðanda sem mun
standa uppi með flestar pantanir í nýjar farþegaþotur árið 2018 en Boeing
var þegar komið með pantanir í 690 nýjar þotur á árinu á meðan Airbus
hafði aðeins fengið pantanir í 380 þotur.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.