flugfréttir
Ráðin framkvæmdastjóri fjármálasviðs Icelandair Group
- Eva Sóley tekur við af stöðu Boga Nils Bogasyni
27. janúar 2019
|
Frétt skrifuð kl. 14:34
Eva Sóley Guðbjörnsdóttir hefur verið ráðin framkvæmdastjóri fjármálasviðs hjá Icelandair Group
Eva Sóley Guðbjörnsdóttir hefur verið ráðin framkvæmdastjóri fjármálasviðs hjá Icelandair Group. Hún tekur við af Boga Nils Bogasyni sem tók við starfi forstjóra félagsins í desember sl.
Eva Sóley hefur umfangsmikla reynslu af stjórnun, rekstri og fjármálum, á Íslandi og á alþjóðavettvangi, bæði í skráðum og óskráðum félögum en hún starfaði sem framkvæmdastjóri fjármála- og rekstrarsviðs Advania á Íslandi frá árinu 2015 og sem framkvæmdastjóri þjónustu- og rekstrarsviðs fyrirtækisins frá maí 2018.
Áður starfaði hún sem forstöðumaður á fjármálasviði hjá Össuri, eða á árunum 2014 til 2015, þar sem hún stýrði fjárfestatengslum og tók þátt í stefnumótandi verkefnum. Þá starfaði hún sem sjálfstæður ráðgjafi og fjárfestir frá 2012 til 2014.
Eva Sóley hóf starfsferil sinn í fjármálageiranum og starfaði hjá Kaupþingi banka í mörg ár, meðal annars í fjárstýringu, eigna- og skuldastýringu, fjármögnun, á fyrirtækjasviði og í fyrirtækjaráðgjöf. Á árunum 2008 til 2009 starfaði hún sem framkvæmdastjóri hjá skilanefnd Kaupþings og sem fjármálastjóri frá 2009 til 2011.
Hún hefur setið í stjórnum ýmissa félaga og var varaformaður bankaráðs Landsbankans á árunum 2013 til 2016. Í dag situr hún í stjórn Júpíters rekstrarfélags og í stjórn Vísindagarða Háskóla Íslands. Eva Sóley er verkfræðingur að mennt, með B.Sc. í hagverkfræði og hagfræði sem aukagrein og M.Sc. í fjármálaverkfræði frá Columbia University í New York. Þá hefur hún jafnframt lokið námi í verðbréfaviðskiptum. Hún er gift Hilmari Rafni Kristinssyni og eiga þau tvö börn.
Eva Sóley mun hefja störf hjá Icelandair Group um miðjan febrúarmánuð og tekur þá jafnframt sæti í framkvæmdastjórn félagsins.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
