flugfréttir
Einkaþota lendir á flugbraut á meðan framkvæmdir standa yfir
- Flugmálayfirvöld í Paraguay bregðast við atviki sem náðist á myndband
4. mars 2019
|
Frétt skrifuð kl. 19:33
Talið er að atvikið á myndbandinu hafi átt sér stað fyrir 4 til 5 árum síðan á flugvellinum í Asunción, höfuðborg Paraguay
Athyglisvert myndband hefur breiðst út eins og eldur í sinu um helgina á samfélagsmiðlum í Paraguay sem sýnir hvar flugvallarstarfsmenn við framkvæmdir á flugbraut þurfa að forða sér í burtu þegar Gulfstream einkaþota kemur skyndilega inn til lendingar.
Á myndbandinu má sjá hvar einkaþotan rétt sleppur við það að rekast á pallbíl á miðri flugbrautinni en starfsmennirnir voru að moka malbiki af pallinum vegna viðgerðar á slitlaginu þegar þotan birtist.
Í athugasemdum á Twitter er meðal annars giskað á að myndbandið sé falsað en einn netverji segir að atvikið
hafi gerst fyrir um u.þ.b. 4 til 5 árum síðan á flugvelli í Paraguay.
Starfsmennirnir eru merktir „Dirección Nacional de Aeronáutica Civil“ sem stendur fyrir DINAC sem eru flugmálayfirvöldin í Paraguay og þá
greinir fjölmiðillinn Gatechecked.com frá því að þetta sé á Silvio Pettirossi flugvellinum í höfuðborginni Asunción.
Skjáskot úr myndbandinu sem má sjá hér að neðan
Fimm starfsmenn eru að vinna að framkvæmdunum og heyra má hvar sá sjötti varar þá við því að það sé flugvél að koma
inn til lendingar.
Edgar Melgarejo, yfirmaður yfir flugmálastjórninni í Paraguay, segir að atvikið verði rannsakað og í kjölfarið hafa flugmálayfirvöld í landinu sent frá sér yfirlýsingu þar sem kemur fram að atvikið sé til skoðunar.
Bent er á að undir venjulegum kringumstæðum hefði einkaþotan ekki átt að lenda þar sem tilkynning um framkvæmdirnar hefði átt að komið fram í NOTAM sem eru upplýsingar fyrir flugmenn.
Þá kemur fram að flugmönnunum, sem flugu einkaþotunni, hafi verið gert viðvart en ekki er hægt að segja til um hvort að einhverjir eftirmálar verða gagnvart þeim.
Myndband:
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
