flugfréttir
Þreyta mjög algengt vandamál meðal evrópskra flugmanna
- Næturflug og óreglulegar vaktir talin aðalorsök þreytu
Einnig kemur að flugmenn sem vakna mjög snemma, og eru að fljúga allan daginn, verða fyrir mikilli þreytu
Þreyta er mjög algengt vandamál meðal flugmanna í Evrópu. Þetta er niðurstaða rannsóknar sem evrópsk flugmálayfirvöld (EASA) hafa birt.
Alls voru 24 flugfélög í Evrópu sem tóku þátt í rannsókninni, „Effectiveness of Flight Time Limitation (FTL)”, fyrir EASA og kemur
fram að þreyta sé mjög algeng meðal evrópskra flugmanna og er meginorsökin rakin til næturflugs
og óreglulegra vakta sem er ekki í samræmi við hvíldartíma sem kemur fram í reglugerðum um
leyfilegan vinnutíma.
Samkvæmt reglugerðum EASA má fljúga án hvíldar ef brottför á sér stað frá kl. 11:00 til 12:45 fram yfir miðnætti með því
skilyrði að flugmenn sé velvakandi á meðan á fluginu stendur en samkvæmt rannsókninni kemur í ljós
að næturflug, óháð flugtíma, veldur gríðarlegri truflun á svefni hjá mörgum flugmönnum.
Þá kemur fram að óreglulegar vaktir, og þá sérstaklega á stuttum og meðallöngum flugferðum innan Evrópu, þar
sem brottför er mjög snemma á morgnanna og flugmenn fljúga seint fram á kvöld, hafi mjög slæm áhrif
á líkamsklukkuna og eykur líkurnar á þreytu á meðan á flugi stendur.
Eurocockpit, félag atvinnuflugmanna í Evrópu og SNPL, félag flugmanna í Frakklandi, hafa tjáð sig um niðurstöðurnar
og segja þær alls ekki koma á óvart þar sem þúsundir flugmanna fljúga sambærilegar vaktir, daginn inn og daginn
út milli evrópskra borga frá morgni til kvölds og einnig í næturflugi.
Þá eru mörg flugfélög sem fljúga langar flugferðir á einum degi, til að mynda frá Norðurlöndunum eða norðurhluta Evrópu og langt suðureftir í álfunni til áfangastaða á borð við Kanaríeyjar, og til baka án þess að hafa neina viðdvöl.
Vitnað er í niðurstöður úr könnun sem London School of Economics (LSE) lét framkvæma árið 2016
þar sem í ljós kom að helmingur allra flugmanna í Evrópu, sem tóku þátt í þeirri könnun, sögðust hafa upplifað
það mikla þreytu að það mætti telja að það varði við flugöryggi.
Gitte Furdal Damm, mannauðssstjóri í flugiðnaðinum, segir að þrátt fyrir að þreyta meðal flugmanna, sé fyrirbæri
sem er ekkert nýtt af nálinni, þá hafi það aldrei verið tekið föstum tökum almennilega í fluginu.
Þess má geta að samgönguöryggisnefnd Bandaríkjanna (NTSB) telur að þreyta meðal flugmanna eigi hlut að máli
í 20% allra flugslysa.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.