flugfréttir
Condor sækir um lán til þýska ríkisins
- Allt flug Condor á áætlun þrátt fyrir gjaldþrot Thomas Cook
Boeing 757-300 þota Condor í flugtaki í Munchen
Starfsemi þýska flugfélagsins Condor er enn í gangi og hefur flugáætlun þess félags ekki raskast þrátt fyrir gjaldþrot Thomas Cook en Condor er 49 prósent í eigu Thomas Cook.
Stjórn Condor hefur sótt um tímabundið brúarlán til þýska ríkisins til þess að tryggja stöðu
félagsins og styrkja lausafjárstöðu þess í kjölfar falls Thomas Cook.
Condor er eitt af þeim 12 flugfélögum og ferðaskrifstofufyrirtækjum sem voru
dótturfélög Thomas Cook Group.
Þrátt fyrir að allar flugvélar Thomas Cook hafi verið kyrrsettar í kjölfar
gjaldþrotsins þá hefur Condor haldið úti óskertu áætlunarflugi í dag.
Í yfirlýsingu frá Condor kemur fram að búið sé að sækja um rekstarlán
til ríkisstjórnar Þýskalands og sé verið að fara yfir umsóknina.
Hafa 60 þotur í flotanum og fljúga til 90 áfangastaða
Condor hefur um 60 þotur í flota sínum en nær helmingur þeirra
eru af gerðinni Boeing 767 og Boeing 757-300 en þá hefur félagið einnig 11
Airbus A320 og A321 þotur í flotanum.
Condor bendir á að félagið hafi skilað hagnaði til margra ára og stóð til fyrr
á þessu ári að Lufthansa myndi fjárfesta í félaginu þar sem Thomas Cook
leitaði að samstarfsaðila til að taka yfir hluta rekstursins.
„Félagið mun halda áfram að einbeita sér í því sem það gerir best sem er
að fljúga viðskiptavinum okkar stundvíslega í fríið“, segir Ralf Teckentrup,
framkvæmdarstjóri Condor.
Condor, sem var stofnað árið 1955, flýgur til 90 áfangastaða og hefur félagið
verið mjög vinsælt meðal Þjóðverja en félagið einblínir einnig
á sólarlandaferðir líkt og Thomas Cook.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.