flugfréttir
Ríkisstjórn Trumps bannar áætlunarflug til Kúbu
- Telja að Kúba noti bandarískan gjaldeyri til að styðja við ríkisstjórn Venesúela
Bandarísk flugfélög fá aðeins að fljúga til Havana frá og með 10. desember næstkomandi
Ríkisstjórn Donalds Trumps hefur fyrirskipað bandarískum flugfélögum að hætta að fljúga til allra þeirra níu áfangastaða á Kúbu fyrir utan Havana í þeim tilgangi að stöðva flæði á bandarískum gjaldeyri frá ferðamönnum sem Bandarískastjórn telur að Kúba noti til að styðja ríkisstjórn Nicolás Maduro, forseta Venesúela.
Tilkynnt var um bannið sl. föstudag og tekur það í gildi þann 10. desember á sama tíma
sem fjöldi bandarískra ferðamanna hyggja á jólafrí til eyríkja í Karíbahafinu.
„Vegna fyrirskipunar frá samgönguráðuneytinu þá hefur verið sett bann á allt áætlunarflug milli
Bandaríkjanna og Kúbu fyrir utan flug til höfuðborgarinnar Havana til að koma í veg fyrir
að Kúba hagnist á flugferðum frá Bandaríkjunum“, segir í tilkynningu.
Árið 2016 var bandarískum flugfélögum leyft að hefja frjálst áætlunarflug
til Kúbu
Bandarísk flugfélög hafa 45 daga til að hætta að fljúga til Kúbu fyrir utan flug til José Marti
flugvallarins í Havana og verða bandarísku flugfélögin því að pakka saman og hætta
flugi til þessara ferðamannastaða sem félögin hófu að fljúga til fyrir þremur árum síðan.
Aðeins eru þrjú ár liðin frá því að ríkisstjórn Barrack Obama gerði áætlunarflug frjálst milli
Bandaríkjanna og Kúbu árið 2016 en þar á undan var bandarískum flugfélögum aðeins leyft
að fljúga leiguflug til Kúbu.
Bannið hefur m.a. áhrif á áætlunarflug American Airlines, Delta Air Lines og Jetblue sem fljúga til áfangastaða á Kúbu á borð við Varadero, Camaguey, Santa Clara, Holguín og Santiago
Þá hefur Cubana de Aviación, ríkisflugfélagið á Kúbu, ákveðið að fella niður flug til 7 áfangastaða
sem rakið er til deilna milli stjórnvalda í landinu og ríkisstjórnar Bandaríkjanna en Cubana segir að þessi nýju höft frá Bandaríkjastjórn eigi eftir að hafa mikil áhrif á efnahag Kúbu.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.