flugfréttir
Móðurfélag British Airways kaupir Air Europa
- Með kaupunum fær IAG aukið aðgengi að markaðnum í Suður-Ameríku
Búið verður að ganga frá samrunanum á síðari helming ársins 2020
International Airlines Group (IAG), móðurfélag British Airways og Iberia, hefur keypt spænska flugfélagið Air Europa fyrir einn milljarð evra sem samsvarar 138 milljörðum króna.
Michael O´Leary, framkvæmdarstjóri Ryanair, sem er aðalsamkeppnisaðili IAG, segir að hann
muni fylgjast með þróun samrunans er kemur að samkeppnismálum í fluginu til Evrópu
en segist annars óska IAG velfarnaðar með kaupin.
Með kaupunum mun IAG fá aukið aðgengi að markaðnum í Suður-Ameríku og Mið-Ameríku en Air Europa flýgur meðal annars langflug til áfangastaða í Paraguay, Brasilíu, Argentínu, Perú, Kólombíu, Uruguay, Panama, Bólivíu auk Kúbu.
IAG ætlar að gera Madríd að öflugri bækistöð félagsins og mun Air Europa verða eitt af dótturfélögum IAG ásamt Vueling og LEVEL en með kaupunum mun markaðshlutdeild
IAG í Suður-Ameríku stækka frá 19% upp í 26 prósent.
Willie Walsh, framkvæmdarstjóri IAG, segir að Air Europa verði rekið áfram sem sjálfstætt
flugfélag til að byrja með en með tímanum verður það hluti af rekstri Iberia.
Air Europa flýgur til 69 áfangastaða í Evrópu, Norður-Ameríku og Suður-Ameríku og telur
floti félagsins 66 flugvélar en flotinn samanstendur af þotum af gerðinni Airbus A330, Boeing 737-800 auk Dreamliner-véla.
Air Europa var stofnað árið 1986 og er félagið þriðja stærsta flugfélag Spánar á eftir
Iberia og Vueling en vinsælustu áfangastaðir félagsins eru Mallorca og Tenerife.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.