flugfréttir
Læstir stýrislásar orsök þess að Jetstream fór út af í flugtaki
- Gleymdu að framkvæma prófanir á stýrum fyrir brottför
Atvikið átti sér stað á flugvellinum í borginni Munster í Þýskalandi þann 8. október síðastliðinn
Rannsóknarnefnd flugslysa í Þýskalandi hefur komist að því að orsök þess að farþegaflugvél af gerðinni Jetstream 32 fór út af flugbraut í flugtaksbruni á flugvellinum í borginni Munster þann 8. október sl. hafi verið sú að stýrislásar voru enn virkjaðir þar sem flugmennirnir gleymdu að framkvæma prófanir á stýrum fyrir brottför.
Flugvélin, sem var á vegum AIS Airlines, var á leið frá Munster til Stuttgart með einn farþega um borð og þriggja manna áhöfn. Flugstjórinn sá um að hefja flugtakið en lét stjórnina í hendur flugmannsins þegar vélin hafði náð 70 hnúta hraða í flugtaksbruninu.
Flugmennirnir náðu að stýra vélinni aftur inn á brautina eftir að hafa farið
út af henni
Þegar flugvélin hafði náð V1 hraða og flugmaðurinn ætlaði sér að toga í stýrið tilkynnti hann flugmanninum að stýrið
væri fast. Flugmennirnir hættu við flugtakið á 130 hnúta hraða en flugmönnunum tókst ekki að halda brautarstefnu með
nefhjólastýringu þar sem hliðarstýri vélarinnar var fast.
Vélin fór út af brautinni og staðnæmdist eftir að hafa farið um 530
metra eftir graslendi við hlið brautarinnar áður en þeir náðu að fara aftur inn á brautina og stöðva vélina.
Samkvæmt hljóðupptökum úr flugrita vélarinnar kom í ljós að flugmennirnir hefðu gleymt einu atriði á tékklista sem telur
atriði sem þarf að fara yfir fyrir brottför sem varðar prófanir á stýrum en við það hefðu flugmennirnir áttað sig á að
stýrin voru læst.
Í skýrslu kemur fram að undir venjulegum kringumstæðum hefðu flugmennirnir ekki átt að geta sett fullt afl á mótorana og
fært sköftin úr „flight idle“ stöðu þar sem vörn kemur í veg fyrir aflsinngjöf á meðan stýrislæsingin er virk en sá búnaður var bilaður.
Rannsóknarskýrslan tekur fram að misræmi sé á milli tékklista frá flugfélaginu og framleiðanda þar sem ekki er
sérstaklega tekið fram sjálfstæð prófun á stýrislásum en margir tékklistar taka þá aðgerð fram tvisvar í tékklistunum
fyrir brottför.
Flugvélinni hafði verið flogið tvisvar áður þennan dag en flugfélagið segir að það sé regla hjá félaginu að virkja
stýrislæsingu á meðan á akstri stendur til að koma í veg fyrir að stýrisfletir séu að hreyfast á meðan á akstri stendur en fram kemur að vanalega sé stýrislæsing aðeins tekin af fyrir fyrsta flug í upphafi dags.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.