flugfréttir
2 milljóna króna sekt fyrir að kasta klinki inn í þotuhreyfil
Maðurinn, sem var að ferðast með flugi í fyrsta sinn á ævinni, kastaði tveimur smámyntum í átt að þotuhreyfli
Kínverskur karlmaður á þrítugsaldri, sem var farþegi í innanlandsflugi í Kína í fyrra, hefur verið dæmdur til þess að greiða sekt upp á 2 milljónir króna eftir að hann kastaði klinki inn í þotuhreyfil á þotu af gerðinni Airbus A320 skömmu fyrir brottför frá flugvellinum í borginni Anqing áleiðis til Kunming.
Atvikið átti sér stað þann 17. febrúar árið 2019 en maðurinn, sem er 28 ára, var að fljúga í fyrsta sinn ásamt eiginkonu sínu og eins árs barni og gengu farþegar um borð með stigabíl.
Þegar maðurinn gekk framhjá hreyflinum tók hann upp tvær smámyntir og fleygði inn í hreyfilinn
á þotu flugfélagsins Lucky Air en slíkt átti að boða lukku samkvæmt kínverskri hjátrú.
Fluginu var afslýst strax er upp komst um atvikið sem endaði með því að bóka þurfti hótel fyrir alla þá 162
farþegana sem áttu að fara með vélinni en þeir komust með öðru flugi daginn eftir.
Lucky Air gaf frá sér kæru og dæmdi dómstóll í Kína að maðurinn skyldi greiða sekt upp á 2.181.000 krónur
að kröfu félagsins sem varð fyrir miklu tjóni vegna viðgerðarkostnaðar þar sem mikill tími fór í að ganga úr skugga um að ekki væri meira klink inni í hreyflinum auk hótelskostnaðar fyrir alla farþegana.
Farþeginn, sem er 28 ára karlmaður, sagði að þetta ætti að boða lukku samkvæmt kínverskri hjátrú
Lögfræðingur mannsins fór fram á að milda dóminn á þeim forsendum að skjólstæðingur sinn hefði ekki hlotið mikla
menntun og gerði hann sér því ekki grein fyrir alvarleika málsins auk þess sem hann hafði þegar þurft að dúsa í 10
daga í varðhaldi í kjölfarið.
Þá sagði lögfræðingurinn að atvikið væri einnig flugvellinum að kenna fyrir að hafa ekki varað farþega við þessari
hjátrú en þetta er ekki í fyrsta sinn sem farþegi í Kína kastar klinki inn í þotuhreyfil.
Dómari andmælti orðum lögfræðingsins og sagði að hver heilvita manneskja ætti að gera sér grein fyrir því að kasta
klinki inn í þotuhreyfil gæti haft í för með sér mjög alvarlegar afleiðingar sem gæt orsakað flugslys. Einnig tók
dómari fram að það væri ekki í verkahring flugvallarins að hafa sérstakan starfsmann til að koma í veg fyrir slík
uppátæki.
Í yfirlýsingu frá Lucky Air kemur fram að þrisvar í fyrra hafi komið upp atvik þar sem farþegar hafi kastað klinki í átt
að þotuhreyfli en samkvæmt kínverskri hjátrú er talið að það boði gæfu að kasta mynt í átt að einhverju sem vekur
óhug eða því sem fólk óttast í von um að hættan sé einungis ímyndun.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.