flugfréttir
MAX-vandinn mun kosta Boeing um 2.310.000.000.000 krónur
- Taprekstur Boeing fyrir árið 2019 nam 422 milljörðum króna
29. janúar 2020
|
Frétt skrifuð kl. 14:44
Kyrrsettar Boeing 737 MAX þotur á Boeing Field í vikunni
Boeing telur að kostnaðurinn við kyrrsetningu á Boeing 737 MAX þotunum eigi eftir að kosta framleiðandann um 18.6 milljarða bandaríkjadali sem samsvarar yfir 2 þúsundum og þrjú hundruð milljörðum króna (2.310.000.000.000 kr).
Þetta kemur fram í ársskýrslu sem Boeing birti í dag fyrir afkomu á árinu 2019 en í fyrra var fyrsta tapár framleiðandans í heil 20 ár.
Tap Boeing fyrir árið 2019 nam 3,4 milljörðum bandaríkjadollurum sem jafngildir 422 milljörðum króna en til að mynda þá
hagnaðist Boeing um 10.5 milljarða dali (1.304 milljarða króna) árið 2018.
Boeing gerir ráð fyrir að aukakostnaður vegna lagfæringa, uppfærslna og allrar þeirrar vinnu sem fer í að koma Boeing 737 MAX aftur í loftið nemi
6.3 milljörðum bandaríkjadölum en nú þegar hefur Boeing varið 3.6 milljörðum á fyrstu níu mánuðum ársins 2019 í þá vinnu og er talið að
framleiðandinn muni verja 2.6 milljörðum til viðbótar.
Þá gerir Boeing ráð fyrir því að viðbótarkostnaður vegna vandamálsins með Boeing 737 MAX muni nema 4 milljörðum USD (496 milljörðum króna) en sá kostnaður
er vegna stöðvunar á framleiðslu á MAX þotunum og einnig sá kostnaður sem fer í að hefja framleiðsluna aftur.
„Við gerum okkur grein fyrir því að það er mikil vinna framundan hjá okkur. Við einblínum núna á að koma Boeing 737 MAX aftur í loftið og stefnum á að endurheimta
það traust sem einkennir Boeing sem flugvélaframleiðanda“, segir David Calhoun, framkvæmdarstjóri Boeing.
Til samanburðar þá kostaði Harpan um 17 milljarða og mætti því reisa 135 slík tónlistarhús fyrir þá upphæð sem vandamálið með Boeing 737 MAX mun kosta framleiðandann.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
