flugfréttir
Boeing 737 þota frá Pegasus fór út af braut á Istanbúl
- Mánuður frá því að þota sömu gerðar frá Pegasus fór út af á sama flugvelli
5. febrúar 2020
|
Frétt skrifuð kl. 17:33
Þetta er í annað skiptið á þessu ári sem að Boeing 737-800 þota frá Pegasus Airlines fer út af braut í Istanbúl
Farþegaþota af gerðinni Boeing 737-800 rann út af flugbraut í harðri lendingu í Istanbúl í Tyrklandi í dag.
Þotan, sem er frá flugfélaginu Pegasus Airlines, var að lenda á Sabiha Gökcen flugvellinum eftir áætlunarflug frá borginni
Izmir en um borð voru 171 farþegi og sex manna áhöfn.
Töluverð bleyta var á flugbrautinni eftir mikla rigningu og er talið að vélin hafi lent mjög harkaleg og runnið við það út af brautinni.
Allir komust lífs af en einhver slys urðu þó á fólki.
Samkvæmt veðurupplýsingum er slysið átti sér stað var mjög hvasst með vindhviður upp í 37 hnúta auk þrumuveðurs og úrkomu.
METAR LTFJ 051520Z 29022G37KT 240V330 7000 -TSRA FEW017CB BKN025 BKN070 11/09 Q0992 RESHRA NOSIG=
Slysið átti sér stað klukkan 15:20 í dag að íslenskum tíma og fór þotan í gegnum grindverk flugvallarins og staðnæmdist
í um 170 metra fjarlægð frá brautarendanum þar sem vélin brotnaði upp í þrjá hluta. Eldur kom upp í öðrum hreyfli vélarinnar
en slökkvilið var fljótt að ráða niðurlögum hans.
Hátt í 40 manns slösuðust af þeim 177 sem voru um borð en þotan er gjörónýt
Þotan, sem er 11 ára gömul, ber skráninguna TC-IZK og var hún afhent til Air Berlin fyrst árið 2009 en fór yfir til
Pegasus Airlines í maí árið 2016.
Sabiha Gökcen flugvellinum var lokað í kjöfarið og hefur öllu flugi, sem var á leið til flugvallarins, verið gert fara í biðflug eða lenda á öðrum flugvöllum í nágrenninu.
Samgönguráðherra Tyrklands hefur staðfest að engin hafi látið lífið en tilkynnt er að um 39 manns hafi slasast og þurft á
læknisaðstoð að halda.
Þetta er í annað skiptið á þessu ári sem þota sömu gerðar fer út af í lendingu á sama flugvelli og það frá sama flugfélagi
en Boeing 737-800 þota frá Pegasus fór út af braut á sama flugvelli þann 7. janúar síðastliðinn.
Þá fór Boeing 737-800 þota frá Pegasus Airlines út af braut á flugvellinum í borginni Trabzon í Tyrklandi þann 14. janúar árið 2018.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
