flugfréttir
Fresta afhendingum á 78 nýjum breiðþotum frá Airbus
- Eitt stærsta lágfargjaldafélag Asíu dregur snögglega saman seglin
3. mars 2020
|
Frétt skrifuð kl. 07:46
Airbus A330 breiðþotur Air Asia X á Don Mueang flugvellinum í Thailandi
Malasíska lágfargjaldaflugfélagið Air Asia X ætlar að fresta afhendingum á 78 breiðþotum sem félagið hefur pantað sem eru af gerðinni Airbus A330neo.
Flugfélagið hefur neyðst til þess að draga saman seglin og það allverulega þar sem afkoma ársins 2019
var afar slæm en félagið tapaði 11 milljörðum króna í fyrra samkvæmt ársreikningi félagsins.
Air Asia X hefur í dag 24 breiðþotur í flotanum af gerðinni Airbus A330-300 en félagið pantaði 78 þotur af gerðinni
Airbus A330-900 og átti sú fyrsta að afhendast á þessu ári.
Þá er félagið einnig að íhuga að selja tvær Airbus A330 þotur úr flotanum og jafnvel stendur til að skila fimm
þotum sömu gerðar til baka til flugvélaleigufyrirtækja.
Félagið býr sig undir enn verri tíma framundan vegna útbreiðslu kórónaveirunnar og er félagið í viðræðum við leigusala um að lækka leigugjöld á Airbus A330 þotum félagsins um allt að 30 prósent.
Móðurfélagið, Air Asia, fékk sína fyrstu Airbus A330neo þotu afhenta í fyrra
Einnig er félagið að skoða möguleika á að taka í notkun Airbus A321 þotur og skipta þeim út fyrir nokkrar A330 breiðþotur
á einstaka flugleiðum.
Air Asia telur nokkur flugfélög sem starfrækt eru í nokkrum Asíulöndum en fá flugfélög í Asíu hafa aukið umsvif sín sl. ár eins mikið líkt og Air Asia og Lion Air í Indónesíu.
Óvíst er hversu lengi Air Asia X ætlar sér að fresta afhendingum á Airbus A330-900 þotunum en félagið segir að það velti á því hversu útbreiðsla kórónaveirunnar stendur lengi yfir og hvenær eftirspurn eftir flugsætum fer að aukast á ný.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
