flugfréttir
Kenndi gölluðum vindpoka um að hann fór út af braut
- Niðurstaða NTSB er hinsvegar óstöðugt aðflug og snerti of seint
13. mars 2020
|
Frétt skrifuð kl. 09:42
Mynd af flugvélinni þar sem hún staðnæmdist eftir að hafa farið út af braut þann 14. mars árið 2018
Flugmaður einn í Bandaríkjunum telur að „gallaður vindpoki“ hafi valdið flugatviki er lítil einkaflugvél sem hann flaug fór út af flugbraut í lendingu í Flórída fyrir tveimur árum síðan.
Atvikið átti sér stað þann 14. mars árið 2018 er flugvél af gerðinni Piper PA-28 Cherokee var að koma inn til lendingar
á flugvellinum í bænum Cedar Key.
Flugvélin náði ekki að stöðva sig af þar sem hún snerti brautina mjög seint með þeim afleiðingum að brautin var á enda.
Vélin fór út af hinum brautatendanum með þeim afleiðingum að flugmaðurinn hlaut minniháttar meiðsl og þá varð flugvélin einnig fyrir skemmdum á nefhlutanum.
Flugmaðurinn sagði að vindpokinn hafi gefið honum falskar vísbendingar um vindstefnu er hann var á lokastefnu
og treysti hann því að hann væri að lenda á móti vindstefnunni en flugvélin lenti með vindinn í bakið.
Vindpokinn á Cedar Key flugvellinum í Flórída
Samkvæmt flugveðursupplýsingum (METAR) frá öðrum flugvelli í nágrenni Cedar Key flugvallarins mældist vindurinn
á þeim tíma sem flugvélin lenti 310° gráður og 5 hnútar en flugmaðurinn lenti á braut 05.
Þar af leiðandi var 100 gráðu munur á brautarstefnu og vindstefnu sem þýðir að vélin lenti undan vindi en þar sem
vindstyrkurinn var aðeins 5 hnútar er talið að meðvindsstuðullinn hafi verið of lítill til þess að hafa orsakað það að vélin
fór út af brautinni miðað við brautarlengdina.
Flugbrautin á Cedar Key flugvellinum er 2.355 fet á lengd en samkvæmt flughandbók Piper er kemur að PA-28 Cherokee flugvélinni
þá þarf sú flugvélartegund að minnsta kosti 595 fet sem er hefðbundin lendingarvegalengd miðað við braut sem er með bundið slitlag.
Niðurstaða samgönguöryggisnefndar Bandaríkjanna (NTSB) er sú að flugmaðurinn hafi komið inn í mjög óstöðugu
aðflugi þar sem flughæð og hraði hafi ekki verið ákjósanleg fyrir lendingu sem varð til þess að vélin kom of hratt inn
og snerti brautina of seint og fór út af.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
