flugfréttir
Delta leggur 300 flugvélum
- Draga saman framboð um 40 prósent
13. mars 2020
|
Frétt skrifuð kl. 19:21
Flugvélar Delta Air Lines á flugvellinum í Atlanta í Bandaríkjunum
Bandaríska flugfélagið Delta Air Lines ætlar að leggja allt að 300 flugvélum vegna útbreiðslu kórónaveirunnar.
Þetta kemur fram í skilaboðum sem flugfélagið sendi starfsmönnum sínum í dag en Delta hefur 910 þotur í flota sínum
á meðan 277 flugvélar fljúga fyrir hönd Delta Connection.
Fram kemur í skilaboðum að þar sem mun fleiri afbókanir hafa verið á hverjum degi samanborið við bókanir vegna útbreiðslu
COVID-19 og einnig vegna ferðabanns milli Bandaríkjanna og Evrópu, þá mun félagið neyðast til þess að bregðast við því
með að draga allverulega úr sætaframboði sínu.
„Hraðinn á samdrættinum á eftirspurn eftir flugi er á mælikvarða sem við höfum aldrei séð áður - og við höfum séð
margt í rekstrinum okkar í gegnum árin. Við munum bregðast mjög skjótt við til þess að verja stöðu félagsins“, segir í skilaboðum
til starfsmanna.
Delta hefur 910 þotur í flota sínum og mun félagið leggja um þriðjung af þeim þotum
Delta segir að meðal þeirra aðgerða sem félagið mun grípa til er að leggja 300 flugvélum, fresta afhendingum á nýjum
þotum frá flugvélaframleiðendum og draga úr útgjöldum sem nemur 272 milljörðum króna yfir 12 mánaða tímabil til að koma
til móts við tekjumissi á núverandi tímabili.
Þá segir Ed Bastian, framkvæmdarstjóri Delta Air Lines, að hann muni afþakka allar launagreiðslur næstu sex mánuði
til að leggja sitt af mörkum til að lækka rekstrarkostnað félagsins.
Bastian segir að samdráttur á bókunum sé komin yfir 40% og sé það að nálgast sambærilegt stig og þegar hryðjuverkin
í Bandaríkjunum áttu sér stað þann 11. september árið 2001.
Bastian segir að Delta hafi þrátt fyrir það aldrei verið eins vel í stakk búið í að takast á við eins erfiða tíma eins og eru að ganga
yfir núna vegna útbreiðslu kórónaveirunnar.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
