flugfréttir
Flugvélaleigan Avolon hættir við pantanir í 119 flugvélar
- 80 prósent viðskiptavina hafa óskað eftir breytingum á leigu og greiðslum
3. apríl 2020
|
Frétt skrifuð kl. 13:33
Úr höfuðstöðvum Avolon í Dublin á Írlandi
Írska flugvélaleigan Avolon hefur hætt við pantanir á yfir 100 nýjum farþegaflugvélum og breytt samningum á öðrum pöntunum til allt að fjögurra ára en vélarnar hafði fyrirtækið pantað frá flugvélaframleiðendum sem til stóð að leigja út til flugfélaga.
Bæði verður afhendingum frestað auk þess sem fyrirtækið ætlar að hætta við pöntun í 75 þotur af gerðinni Boeing 737 MAX sem
búið var að panta sem áttu að afhendast frá og með þessu ári fram til ársins 2023. Þá ætlar Avolon einnig að fresta
pöntun á sextán öðrum Boeing 737 MAX þotum til ársins 2024.
Þá segir félagið að það ætli að rifta skuldbindingum vegna fjögurra Airbus A330neo breiðþotna sem áttu að afhendast síðar
á þessu ári og öðrum níu Airbus-þotum úr A320neo fjölskyldunni.
Avolon segir að fyrir lok ársins 2019 átti fyrirtækið von á 284 flugvélum á næstu árum sem til stóð
að leigja til flugfélaga víðsvegar um heim en þann 31. mars var sú tala komin niður í 165 flugvélar og hefur fyrirtækið
því hætt við kaup á 119 flugvélum.
Hafa aldrei séð annað eins ástand en sannfærðir um að flugið muni ná sér
Avolon segir að 80% af viðskiptavinum sínum hafi sent inn beiðni um að létta á greiðslukröfum þar sem farið er fram
á að fresta greiðslum og hafa flugfélög einnig óskað eftir að breyta leigusamningi á flugvélum sem þau hafa á leigu og
sé þegar búið að samþykkja margar beiðnir.
Fyrirtækið tekur fram að Avolon standi mjög vel að vígi fjárhagslega þrátt fyrir að mjög krefjandi aðstæður ríki
nú í flugiðnaðinum.
„Avolon vinnur náið með viðskiptavinum sínum út um allan heim til þess að styðja við bakið á þeim
á þessum tímum. Við höfum aldrei séð aðra eins krísu og það af þessari stærðargráðu en við erum sannfærðir
um að iðnaðurinn muni ná sér á strik um leið og áhrif COVID-19 minnka“, segir í yfirlýsingu frá fyrirtækinu.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
