flugfréttir
Air Mauritius gjaldþrota
22. apríl 2020
|
Frétt skrifuð kl. 14:54
Airbus A340 breiðþota Air Mauritius
Flugfélagið Air Mauritius hefur lýst yfir gjaldþroti og hefur félagið hætt allri starfsemi frá og með deginum í dag.
Air Mauritius var ríkisflugfélagið á Máritíus-eyjunum í Indlandshafi en saga félagsins nær yfir 50 ár aftur í tímann
en það var stofnað árið 1967.
Air Mauritius hafði átt í fjarhagsvanda áður en heimsfaraldurinn blossaði upp en COVID-19 gerði félaginu enn
erfiðara fyrir og hefur faraldurinn leitt til þess að stjórnin sá enga aðra stöðu í myndinni en að sækja
um gjaldþrotaskipti.
Air Mauritius hafði 13 flutvélar í flota sínum. Þrjár af gerðinni ATR 72-500, tvær Airbus A340-300 breiðþotur, tvær
A330-900 þotur, tvær breiðþotur af gerðinni Airbus A330-200, tvær Airbus A319 og þá hafði félagið fengið
tvær nýjar Airbus A350-900 þotur afhentar.
Félagið flaug til fjölmargra áfangastaða í Asíu, Evrópu, Ástralíu og innan Afríku en félagið flaug meðal annars
á Heathrow-flugvöllinn í London. Air Mauritius hafði undir það síðasta skorið töluvert niður í leiðarkerfinu
vegna rekstarvanda og hætt flugi til fjölmargra áfangastaða til þess að draga úr taprekstri.
Air Mauritius var nýbúið að fá tvær Airbus A350 þotur afhentar
Air Mauritius var stofnað þann 14. júní árið 1967 í samvinnu milli Air France og ríkisstjórnar Máritíus og hóf
félagið flugrekstur árið 1972 með eina Piper PA-31 Navajo flugvélar og var fyrsta flug félagsins frá eyjunum
til Rodrigues-eyjunnar innan Máritíus.
Félagið hóf ári síðar sitt fyrsta millilandaflug með Vickers VC19 flugvél frá British Airways og byrjaði félagið
að þá að bjóða upp á flug til London Heathrow en fyrsta millilandaflug félagsins á sínum eigin vegum
var flogið með Boeing 707 þotu árið 1977.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
