flugfréttir
Beðnir um að stöðva framleiðslu á skrokkum fyrir 737 MAX
- Boeing biður Spirit AeroSystems um að gera hlé á framleiðslunni
17. júní 2020
|
Frétt skrifuð kl. 13:20
Frá verksmiðjum Spirit AeroSystems í Wichita í Kansas
Boeing hefur beðið fyrirtækið Spirit AeroSystems um að hætta framleiðslu á skrokkum fyrir Boeing 737 MAX í bili og setja framleiðsluna á bið.
Spirit AeroSystems framleiðir alla flugvélaskrokka fyrir Boeing 737 MAX auk fleiri íhluta fyrir þotuna sem hafa verið ferjaðir með járnbrautarlestum frá Kansas til Seattle þar sem vélarnar eru settar saman í Renton.
Ástæðan fyrir því að Boeing hefur beðið Spirit AeroSystems um að stöðva framleiðslu á skrokkum fyrir
vélarnar er sögð vera sú að flugvélaframleiðandinn er að fá mjög mikið af afpöntunum frá flugfélögum
og flugvélaleigum vegna COVID-19 heimsfaraldursins og ríkir því óvissa um hversu mörg eintök stendur til að framleiða af MAX-vélunum á næstunni.
Til að byrja með hefur Spirit AeroSystems verið beðið um að bíða með að senda fjóra flugvélaskrokka
til Renton og bíða með að hefja framleiðslu á 16 skrokkum til viðbótar sem áttu að fara í framleiðslu á næstunni.
Fyrirtækið segir að viðræður standi yfir við Boeing varðandi framhaldið og uppfærða afhendingaráætlun
á næstu flugvélaskrokkum en framleiðsla hófst að nýju á Boeing 737 MAX í lok maímánaðar eftir 5 mánaða
hlé á framleiðslunni sem var stöðvuð í byrjun ársins vegna kyrrsetningu vélanna sem er enn í gildi.
Spirit AeroSystems fékk skilaboð frá Boeing þann 4. júní þar sem stóð meðal annars að ekki væri þörf fleiri skrokkum fyrir Boeing 737 MAX og verður rætt um framhaldið á næstunni.
Spirit AeroSystesm hefur gert ráð fyrir að afhenda 125 skrokka fyrir Boeing 737 MAX á þessu ári en
fyrirtækið hefur enga hugmynd um hversu umfangsmikill niðurskurðurinn á framleiðslunni verður.
Vegna þessa hefur fyrirtækið gripið til þess ráðs að endurskoða starfsmannastöðuna og hefur 900 starfsmönnum verið gert að fara í þriggja vikna launalaust leyfi.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
