flugfréttir
Nýtt vandamál með Trent 1000 hreyfilinn frá Rolls-Royce
7. júlí 2020
|
Frétt skrifuð kl. 23:00
Trent 1000 TEN hreyfillinn frá Rolls-Royce á Dreamliner-þotu frá japanska flugfélaginu ANA (All Nippon Airways)
Nýtt vandamál virðist vera komið upp með Trent 1000 hreyflana frá Rolls-Royce sem bætist ofan á fyrri viðvarandi vandamál sem hafa hrjáð hreyflana og Dreamliner-þoturnar sem þeir voru hannaðir fyrir.
Vandamálið sem er komið upp snýr að örfínum sprungum sem hafa uppgötvast í snúningsdiskum
í lágpressuhlutanum aftarlega í hreyflinum sem getur orðið til þess að diskarnir fara að nuddast
utan í túrbínuumgjörðina að innanverðu.
Flugöryggisstofnun Evrópu (EASA) ætlar að gefa út öryggistilmæli vegna vandamálsins
sem gæti annars skert afkastagetu hreyfilsins og haft áhrif á öryggi vélarinnar á flugi.
Fjölmörg vandamál hafa komið upp með Trent 1000 hreyfilinn á sl. árum
Vandamálið bætist á langan lista af vandamálum sem hafa komið upp með Trent 1000
hreyfilinn frá því árið 2016 sem tóku nánast við af vandamálum með rafhlöður um borð í Boeing 787
þotunum.
Þetta hefur orðið til þess að samkeppnisaðilinn, General Electrics, hefur fengið fleiri
pantanir í GEnx-hreyflana fyrir Dreamliner-þoturnar sem stendur flugfélögum einnig til boða
þegar gerðar eru pantanir í nýjar Boeing 787 þotur.
Hinsvegar þá er vandinn ekki af eins alvarlegum toga og fyrri vandamál og er því nóg
að framkvæma skoðun á ástandi diskanna við næstu viðhaldsskoðun.
Eitt af fyrstu vandamálunum sem upp kom með Trent 1000 hreyfilinn var árið 2013
er galli uppgötvaðist í þéttingu í þrýstingshverfli hreyflanna sem gat orsakað að hreyfilinn
myndi slökkva á sér í miðju flugi.
Þá uppgötvuðust sprungur í hreyflablöðum í túrbínu á hreyflum á Dreamliner-þotu
hjá japanska flugfélaginu ANA (All Nippon Airways) árið 2016.
Tveimur árum síðar kom í ljós tæring á hreyflablöðum sem skerti endingartíma hreyflanna
og takmarkaði ETOPS-fjarflugsleyfi vélanna en flest vandamálin hafa haft áhrif á flugáætlun þeirra flugfélaga sem hafa Dreamliner-þotur í flota sínum sem koma með Trent 1000 hreyflunum.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
