flugfréttir
Flugþjóns frá PIA saknað eftir viðdvöl í Toronto
- Snéri ekki aftur upp á hótelberbergið fyrir brottför til baka til Pakistan
9. júlí 2020
|
Frétt skrifuð kl. 08:46
Flugþjónninn Yasir snéri ekki aftur til baka upp á hótelherbergið og flaug flugvélin til baka til Pakistans án hans
Ekkert hefur spurst til flugþjóns frá Pakistan International Airlines (PIA) sem saknað hefur verið eftir að áhöfn flugfélagsins pakistanska hafði viðdvöl í Toronto í Kanada.
Flugþjónninn, sem heitir Yasir, yfirgaf hótelherbergi sitt í borginni sl. mánudag
eftir að áhöfnin kom á hótelið að loknu áætlunarflugi frá Islamabad með Boeing 777 farþegaþotu.
Stjórn flugfélagsins hafði hringt í Yasir sem sagði að hann væri að ferðast
til annarar borgar í Kanada en eftir það símtal var slökkt á farsímanum. „Hann hljómaði eins og hann væri ekki með nein áform um að koma aftur til Pakistan“, segir einn stjórnarmeðlimur flugfélagsins.
Flugfreyjan Fareeha Mukhtar lét sig einnig
hverfa við komuna til Toronto árið 2018
Þetta er ekki í fyrsta sinn sem að áhafnarmeðlimur frá pakistanska flugfélaginu týnist í Toronto en slíkt átti sér stað árið 2018 er flugfreyja sótti um pólitískt hæli í viðdvöl í borginni og snéri hún aldrei eftir til baka til landsins.
Þá átti sambærilegt atvik sér stað í fyrra er önnur flugfreyja frá Pakistan
International Airlines, Shazia að nafni, hvarf er áhöfnin hafði viðdvöl í París en sú flugfreyja skildi eftir skilaboð sem hún hafði skrifað á miða á hótelherberginu og flúði hún yfir til Belgíu.
Ekki er óalgengt að sum flugfélög hafi fleiri flugfreyjur og flugþjóna um borð í sumum flugferðum en reglugerðir í fluginu fara fram á til þess að tryggja að flugvélin geti flogið flugið til baka ef atvik kemur upp á þar sem einn úr áhöfninni kemur ekki með í heimflugi.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
