flugfréttir
Sami farþegafjöldi og var ekki fyrr en árið 2024
- Icelandair telur að farþegum fari að fjölga að ráði vorið 2021
Boeing 757 þotur Icelandair á Keflavíkurflugvelli í október í fyrra
Icelandair gerir ráð fyrir að það muni taka félagið fjögur ár að ná aftur sama farþegafjölda og flaug með félaginu árið 2019.
Þetta kemur meðal annars fram í tilkynningu frá Icelandair Group og segir þar meðal annars að gert sé ráð
fyrir að farþegum fari að fjölga á ný að ráði á öðrum ársfjórðungi næsta árs eða vorið 2021
og verði farþegafjöldinn orðin sá sami og hann var fyrir tíma COVID-19 árið 2024.
Þetta er í takt við spár hjá mörgum öðrum flugfélögum og einnig samkvæmt spá Alþjóðasamtaka flugfélaganna (IATA)
sem sér fram á að flugið í heiminum eigi eftir að ná sér aftur á sama strik eftir
um það bil 4 ár.
Í kynningarefni sem Icelandair Group birti í gær kemur fram farþegaspá þar sem séð
er fram á að sætaframboð á mánuði yfir sumarmánuðina árið 2021 gæti náð sama fjölda sæta sem voru í boði
í ársbyrjun þessa árs.
Úr kynningarefni Icelandair sem birt var í gær vegna hluthafafundar
Farþegafjöldinn verður mestur eins og venjan er á sumrin en dregst svo saman yfir vetrarmánuðina og mun fjölgunin aukast milli ára þar til árið 2024 að fjöldi farþega verður aftur sá sami og hann var í fyrra.
Þangað til næsta vor er séð fram á að flugáætlun Icelandair verði áfram takmörkuð svipað og verið hefur
vegna ferðatakmarkanna víðast hvar í Evrópu og fleiri löndum en þá eru Bandaríkin ennþá nánast lokuð
sem gerir félaginu erfitt fyrir þar sem yfir 70% af farþegum Icelandair hafa verið tengifarþegar sem hafa flogið
á milli Norður-Ameríku og Evrópu með viðkomu í Keflavík.
Ríkisstjórnin tilkynnti í gær að ákveðið hefði verið að veita Icelandair ríkisábyrgð upp á 16,5 milljarða króna
og kemur fram að það ætti að tryggja rekstur félagsins næstu 4 árin en ábyrgðin er háð þeim skilyrðum að Icelandair
nái að afla nýs hlutafjár.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.